واضح رہے کہ موہوبہ چیز استعمال ہونے سے ختم ہوجائے یا اس میں تبدیلی ہوجائے، یا اس چیز میں ایسی زیادتی ہوجائے جو اس کے ساتھ متصل ہو،یاموہوب لہ (جسے ہبہ کیا گیا ہے) کی ملکیت سے موہوبہ چیز نکل جائے تواس میں رجوع نہیں ہوسکتا۔

لہذاصورت مسئولہ کے مطابق اگرلڑکے والوں نےمنگنی کے موقع پرکوئی چیزلڑکی کو بطور ہبہ دی ہو تو ان تحائف میں سے جو استعمال سے ختم ہوگئے ہیں ان کی واپسی ممکن نہیں،البتہ جو چیزیں باقی ہیں اگر منگنی ختم ہونے کے بعد وہ تحفہ دینے والا اس کی واپسی کا مطالبہ کرے تو جس کو تحفہ دیا گیا ہے اس کی رضا مندی سے وہ واپس لے سکتا ہے۔اور اگر اس کی رضا مندی نہ ہو تو پھر عدالت کے ذریعے وصول کیا جا سکتا ہے۔

(‌قوله ‌لأنه ‌في ‌معنى ‌الهبة) أي والهلاك والاستهلاك مانع من الرجوع بها، وعبارة البزازية لأنه هبة اهـ ومقتضاه أنه يشترط في استرداد القائم القضاء أو الرضا، وكذا يشترط عدم ما يمنع من الرجوع، كما لو كان ثوبا فصبغته أو خالطته .(ردالمحتار علی الدرالمختار،کتاب النکاح، باب المهر، مطلب فيما يرسله إلى الزوجة، ج:3، ص: 153 )