واضح رہے کہ جس عورت کا شوہر فوت ہوچکا ہو،اس عورت پر قرآن پاک کی آیت کی رو سے چار ماہ دس دن عد ت گزارنا  لازم ہے، جس گھر میں وہ شوہر کی زندگی میں رہتی تھی اسی میں عدت گزارے گی اور بغیر ضرورت کے اس گھر سے نکلنا اس کے لیے جائز نہیں ، تاہم ضرورت شدیدہ کے وقت اس کے لیے گھر سے نکلنے کی رخصت ہے۔

لہذا صورت مسئولہ میں سائل کی بہن اگر ایام عدت میں ہو اور گھر میں اکیلی ہو اورخدمت کی محتاج ہو جب کہ خدمت کے لیےگھر میں کوئی بھی موجود نہ ہو تو اس صورت میں وہ سائل کے گھر منتقل ہو سکتی ہے  ۔

(قوله وتعتدان في بيت وجبت فيه إلا أن تخرج أو ينهدم) أي معتدة الطلاق والموت يعتدان في المنزل المضاف إليهما بالسكنى وقت الطلاق والموت ولا يخرجان منه إلا لضرورة.(البحرالرائق،كتاب الطلاق، باب العدة،ج:4،ص:167)