واضح رہے کہ اگر کوئی شخص دوسرے کو یہ کہتا ہے کہ "آپ میرے لیے بازار سے فلاں چیز خریدکرآؤ "تو یہ توکیل باشراء یعنی خریداری کے لیے وکیل بنانےکا معاملہ ہے، بطورِ وکیل کسی کے لیے کوئی کام کرنے پر وکیل کو اجرت لینے کا حق اس وقت ہوتا ہے جب وکالت کے وقت صراحۃً  یہ بتایا ہو کہ میں اتنی اجرت لوں گا یا پھر وہ وکیل اجرت کےلیے خریداری کرنے پر   مشہور ہو،اگر ان دونوں باتوں میں سے کوئی ایک بھی نہ پائی جائے تو پھر وکیل کو اپنی محنت کا  معاوضہ  لینے کا حق نہیں ۔

لہذا صورت مسئولہ میں سائل کو جس دوست نے موبائیل خریدنے کے لیے وکیل بنایا ،اگر سائل اس سے صراحۃً  یہ کہا ہو کہ" میں اتنی اجرت لوں گا "یا پھر سائل اجرت کے عوض لوگوں کے لیے خریداری کرنے پر مشہورہو توپھراپنی محنت کا معاوضہ لیناجائز ہے،لیکن اگر اس نےنہ  اجرت لینے کی صراحت کی ہو اور نہ وہ  اجرت کے عوض خریداری کر نے میں مشہور ہو  توپھر اپنی محنت کا معاوضہ لینا جائز نہیں۔

إذا شرطت الأجرة في الوكالة وأوفاها الوكيل استحق الأجرة ، وإن لم تشترط ولم يكن الوكيل ممن يخدم بالأجرة كان متبرعا. فليس له أن يطالب بالأجرة.(مجلة الأحكام العدلية، الباب الثالث: في بيان أحكام الوكالة، الفصل الأول: في بيان أحكام الوكالة العمومية،المادة:1467،ج:3،ص:573)