واضح رہے کہ اگر کسی کے ذمے لوگوں کا قرض ہواورعرصہ دراز تک قرض دار کےپاس قرض کی ادائیگی کی کوئی صورت نہ بن سکےاورعرصہ دراز گزرنے کے بعد اس قرض سے ذمہ فارغ کرناچاہے تو اگر قرض خواہان زندہ ہوں توان کوقرض واپس کیا جائے گااوراگر وفات پاچکے ہوں توان کے شرعی ورثہ کو واپس کیا جائےگااور اگر قرض خواہاں  زندہ نہ ہوں اوران کے ورثابهی معلوم نہ ہوں یاان کے ساتھ رابطے کی کوئی صورت ممکن نہ ہوتووہ رقم ان کی جانب سےغرباء وفقراء پرصدقہ کیاجائےگا۔نیز یہ بھی واضح رہے کہ ایسی رقم میں چونکہ تملیک ضروری نہیں صدقہ کرنالازم ہوتاہے،اس لئےایسے پیسے کار خیر مثلاًمساجد ،مدارس،ہسپتالوں کی تعمیرات وغیرہ میں استعمال کرنا بھی جائز ہے۔نیز یہ بھی واضح ہو کہ قرض لی ہوئی رقم کی واپسی  میں ان پیسوں  کی مالیت گھٹنےیا بڑھنےکااعتبار نہیں ہوتابلکہ جتنی قرض لی ہو، اتنی ہی واپس کرناواجب ہوتاہے،واپسی کے دن کی مالیت کااعتبار نہیں ہوگا۔نیز یہ بھی واضح رہے کہ اگر دیون کی اصل مقدار معلوم نہ ہوتوتخمینہ اوراندازہ لگاکر ان کی مقدار متعین کی جائےگی۔

صورت مسئولہ کے مطابق 1۔ اگر اصل حق داران یا ان کے شرعی ورثاء کو تلاش کرنے کے باوجود ان سےکوئی رابطہ نہ ہوسکےتو یہ رقم اصل حق دار ان کی طرف سے  فقراء و مساکین پر صدقہ کی جا ئے۔

2۔نیز ایسی رقم کو دوسرے رفاہ عامہ مسجد،مدرسہ،ہسپتال وغیرہ کی تعمیر میں استعمال کرنابھی جائزہے۔

3۔نیز یہ بھی واضح ہوکہ 1966ء میں جتنی رقم واجب الاداتھی ،ساٹھ سال بعدبھی اتنی ہی رقم واجب الاداہوگی ۔پاکستانی پیسوں کی مالیت میں کمی کی وجہ سے رقم میں اضافہ ضروری نہیں۔

4۔اگر کوئی زمین یاپلاٹ خریدا گیاتھا،اوراس کی رقم ادا نہ کی تھی تواب بھی وہی پرانی واجب الادارقم دینا ضروری ہوگا۔اس پلاٹ کی موجودہ قیمت کا اعتبار نہیں ہوگا ۔نیز یہ بھی واضح ہو کہ اگردیون کی اصل مقدارمعلوم نہ ہو تو تخمینے اوراندازے سے مقدار متعین کی جائے گی۔

عليه ديون لأناس لا يعرفهم من غصوب ومظالم وجبايات يتصدق بقدره على الفقراء على عزيمة القضاء إن وجدهم مع التوبة إلى الله تعالى فيعذر ولو صرف ذلك إلى الوالدين أو المولودين يصير معذورا وكذا في إزالة الخبث عن الأموال.( الفتاوى الهندية،ج:5، ص:367)

 (قوله: ورابعها فمصرفه جهات إلخ) موافق لما نقله ابن الضياء في شرح الغزنوية عن البزدوي من أنه يصرف إلى المرضى والزمنى واللقيط وعمارة القناطر والرباطات والثغور والمساجد وما أشبه ذلك.(ردالمحتار مع الدرالمختار،ج:2، ص:338)

والحاصل أنه إن علم أرباب الأموال وجب رده عليهم.(ردالمحتار مع الدرالمختار،ج:5،ص:99)

(عليه ديون ومظالم جهل أربابها وأيس) من عليه ذلك (من معرفتهم فعليه التصدق بقدرها من ماله وإن استغرقت جميع ماله).(ردالمحتار مع الدر المختار،ج:4،ص:283)

واللقطة ان کانت واجبة التصدق لیست من الصدقات الواجبة،بل مصارفھا مصارف الصدقة النافلة حیث جاز ان یتصدق بھا علی فقیر ذمی.( اعلاء السنن، ج:13، ص:29)

الديون تقضی بامثالها.(شرح الاشباه والنظائر،كتاب المداينات،2/349)

رجل استقرض من آخر مبلغا من الدراهم وتصرف بها ثم  غلاا سعرهافهل عليه ردمثلها؟ نعم ولا ينظر الى غلاء الدراهم ورخصها.(تنقيح الحامدية،باب القرض ،ج:1،ص:294)