واضح رہے کہ مسجد کے چندہ دہندہ گان اگر کسی خاص مصرف کےلیے چندہ دیں، تو شرعا اس کو اسی مد میں استعمال کر نا ضروری ہے۔ لیکن اگر چندہ دہندہ گان کسی خاص مصرف کی تعیین کئے بغیر چندہ دیں، تو اس کو عرف کے مطابق مسجد کے مصارف و مصالح میں خرچ کیا جاسکتا ہے۔

 صورت مسؤلہ کے مطابق امام کی ضروریات بھی مصالح مسجد میں سے ہیں عرف میں امام مسجد کے گھر میں گیس کا خرچ بھی مسجد کے مصالح میں شمار ہوتا ہے، لہذاامام مسجد کے لئے مسجد کا گیس کنکشن کا استعمال کرنا جائز ہے، بالخصوص جب کہ وہ بل بھی خود ادا کرتا ہو۔

وإذا أراد أن يصرف شيئا من ذلك إلى إمام المسجد أو إلى مؤذن المسجد فليس له ذلك، إلا إن كان الواقف شرط ذلك في الوقف۔ (الفتاوی الہندیۃ، كتاب الوقف ،الفصل الثانی في الوقف و تصرف القیم و غیرہ ج :2 ص :463 )

وبما ذكرناه علم أنه لو بنى بيتا على سطح المسجد لسكنى الإمام فإنه لا يضر في كونه مسجدا لأنه من المصالح۔(البحرالرائق،كتاب الوقف،قوله ومن جعل مسجدا تحته سرداب،ج:5،ص:421)