واضح رہےکسی کو جانور پالنے  کے لیے  دینا شرعا  اجارہ کا معاملہ ہےاور اجارہ کے معاملے میں  شرعا  اجرت کا متعین ہونا ضروری ہے، اجرت متعین کیے بغیر معاملہ درست نہیں ہوتا۔

لہذا صورت مسئولہ کے مطابق اگر کسی شخص نے دوسرے آدمی کو اپنی زمین اور جانور دونوں دے کر اس سے یہ کہا کہ جانوروں کو اسی زمین سے چارہ  کھلا ؤاور جب جانور بچے جنیں گے اور ان کو فروخت کیا جائے گا، تو اس میں سے ثلث تمہارا ہوگا اور باقی میرا ہوگا تو یہ اجارہ فاسد ہ ہےکیونکہ اس میں اجرت متعین نہیں ۔اس کی جائز صور ت یہ ہوگی کہ جانور پالنے والے کو جانور پالنے کے لیے دےاور اس  کے لیے جانور پالنے کی اجرت متعین کی جائے۔

رجل دفع بقرةً إلى رجل بالعلف مناصفةً، وهي التي تسمى بالفارسية "كاونيم سوو" بأن دفع على أن ما يحصل من اللبن والسمن بينهما نصفان، فهذا فاسد، والحادث كله لصاحب البقرة، والإجارة فاسدة.(خلاصة الفتاوی،کتاب الإجارة، الجنس الثالث في الدواب،ج:3،ص:114)