اگر میاں بیوی  کے درمیان ناچاقی کی صورت ہویا شوہر بیوی پر ظلم کرتا ہو جس کی وجہ سے  وقت گزارنا مشکل ہو تو ایسی صورت میں بیوی اپنے شوہر سے خلع کا مطالبہ کرسکتی ہے ،لیکن  شریعت میں خلع دینے کا حق  صرف شوہر کو حاصل ہے ،اس لیے کوئی شخص یا کوئی ادارہ  کسی کی بیوی کو صرف نفرت اور بیزاری کی بنا پر  خلع کی ڈگری جاری  نہیں کر سکتا ۔ تاہم اگر  شوہر متعنت ہو یعنی  بیوی  کے ساتھ  ظلم  و زیادتی کرتا ہو ، اور اس کے حقوق ادا نہ کرتا ہو، نہ ہی طلاق یا خلع دیتا ہو،  تو عورت عدالت میں مقدمہ دائر کرسکتی ہے ، پھرعدالت اگر پوری تحقیق کے بعد اس نتیجے پر پہنچے کہ شوہر واقعی متعنت ہے بیوی پر ظلم کرتا ہے اس کو نان نفقہ نہیں دیتا اور اس کو آزاد  بھی نہیں کرتا ، تو عدالت عورت کو تنسیخِ نکاح کی ڈگری جاری کر سکتی ہے،  اس کے بعد بیوی مطلقہ شمار ہوگی اور عدت گزارنے کے بعد دوسری جگہ شادی کرسکے گی۔

لہذا صورت مسئولہ کے مطابق اگر واقعی  مذکورہ  عورت کاشوہر اس کے ساتھ ظلم وزیادتی  اور تعنت کا مرتکب رہا ہو، اس کو نفقہ بھی نہیں دے رہااور پھرعدالت کے نوٹس ملنے کے باوجود حاضر نہ ہوا ہو، تو عدالت کی جاری کردہ تنسیخ ِ نکاح کی ڈگری نافذ ہوگی ، اور اس  سے وہ مطلقہ شمار ہوگی ،  چنانچہ عدت گزارنے کے بعد  دوسری جگہ نکاح جائز ہوگا۔

وأما المتعنت الممتنع عن الإنفاق، ففي مجموع الأمير ما نصه إن منعها نفقة الحال، فلها القيام فإن لم يثبت عسره أنفق أو طلق وإلا طلق عليه، قال محشيه: قوله:وإلا طلق أي طلق عليه الحاكم من غير تلوم. ( الحيلة الناجزة، ص:133)

والخلع ‌جائز عند السلطان وغيره؛ لأنه عقد يعتمد التراضي كسائر العقود، وهو بمنزلة الطلاق بعوض، وللزوج ولاية إيقاع الطلاق، ولها ولاية التزام العوض، فلا معنى لاشتراط حضرة السلطان في هذا العقد. (المبسوط للسرخسي، کتاب الطلاق، باب الخلع، ج:6، ص:173)