اگر کسی کے پاس نصاب کے بقدرمال موجود ہو اور اس پرسال گزر جائے تو اس پر ڈھائی فیصد زکوۃ واجب ہوجاتی ہے۔اگر صاحب نصاب بننے کے بعد کئی سالوں کی زکوۃ ادا نہ کی ہوتو  گزشتہ سالوں کی  زکوۃ بھی  ادا کرے گا۔جس کا طریقہ یہ ہے کہ پہلے سال کی زکوۃ کے لیے اس سال موجود تمام اموال زکوۃ (سونا ،چاندی،نقدی اور مال تجارت)سے ڈھائی فیصد کا حساب لگائے گا، پھر اگلے سال، گزشتہ سال کی زکوٰۃ کی    رقم کو منہا کرنے کے بعد جو مال باقی بچے (خواہ اس میں اضافہ ہوا ہو یا کمی)، اس کے ڈھائی فیصد کا حساب لگائے گا۔اسی طرح ہر سال کی زکوۃ کا حساب لگانے کے لیے اس سے پچھلے  سال کی زکوۃکی رقم  کو منفی کرکے بقیہ مال کے ڈھائی فیصد کا حساب لگایا جائے گااور پھر تمام سالوں کی واجب شدہ زکوۃ  کو ادا کیا جائےگا۔   یہ طریقہ اس صورت میں ہے جب ہر سال کی مالیت معلوم ہو؛ اگر مالیت معلوم نہ ہو تو غالب گمان کے مطابق جتنی مالیت بنتی ہو، اسی کی  زکوٰۃ ادا کرے۔ اگر کسی نے گزشتہ سالوں کی زکوٰۃ ادا  نہ کی ہو اور غریب ہو جائے تب بھی اس کے ذمے گزشتہ سالوں  کی زکوٰۃ لازم ہوگی۔

الأخذ بالاحتياط في العبادات أصل۔ (المبسوط للسرخسي، 1/ 246)

وبيان ذلك أنه إذا كان لرجل مائتا درهم أوعشرين مثقال ذهب فلم يؤد زكاته سنتين يزكي السنة الأولى وليس عليه للسنة الثانية شيء عند أصحابنا الثلاثة ... وكذا هذا في مال التجارة.(بدائع الصنائع،كتاب ،1387/)