واضح رہے کہ بقدر ضرورت دین کا علم حاصل کرنا واقعۃً ہر مسلمان پر فرض ہے ۔رسول اللہ ﷺ کا ارشادِ گرامی ہے طَلَبُ الْعِلْمِ فَرِيضَةٌ عَلَى كُلِّ مُسْلِمٍ. (علم حاصل کرنا ہر مسلمان پر فرض ہے)۔اس سے مراد یہ ہے کہ ہر مسلمان کے لیے کم از کم بنیادی اور ضروری مسائل کا علم حاصل کرنا لازم و ضروری ہے۔

  دین کے بنیادی اور ضروری  مسائل کو سیکھنے کے لئے  مولانا مفتی   تقی   عثمانی صاحب دامت برکاتہم العالیہ  نے درج ذیل نصاب تجویز کیا ہے۔

پہلے حصہ، وہ کتابیں ہیں جو ابتدائی ضروری معلومات پر مشتمل ہیں :

(1) حیاۃ المسلمین از حکیم الامت حضرت مولانا اشرف علی صاحب تھانوی قدس سرہ

(2) فروع الایمان از حکیم الامت حضرت مولانا اشرف علی صاحب تھانوی قدس سرہ

(3) تعلیم الدین  از حکیم الامت حضرت مولانا اشرف علی صاحب تھانوی قدس سرہ

(4) مردوں کے لئے " بہشتی گوہر" اور عورتوں کے لئے "بہشتی زیور" از حکیم الامت ؒ

(5) جزاء الاعمال از حکیم الامت حضرت مولانا اشرف علی صاحب تھانوی قدس سرہ

(6) سیرت خاتم الانبیاء از حضرت مولانا مفتی محمد شفیع صاحب قدس اللہ علیہ

(7) حکایات صحابہ از شیخ الحدیث حضرت مولانا محمد زکریا صاحب سہانپوری  رحمۃ اللہ علیہ

(8) تاریخ اسلام کامل از حضرت مولانا محمد میاں صاحب رحمۃ اللہ علیہ

(9) اسوۃ رسول اکرم ﷺ از حضرت مولانا   ڈاکٹر عبد الحئی صاحب عارفی رحمۃ اللہ علیہ

دوسرے حصے میں وہ کتابیں ہیں جن سے دینی معلومات میں اتنی وسعت اور استحکام پیدا ہو جائے کہ انسان گمراہ کرنے والوں سے گمراہ نہ ہو:

(1) معارف القرآن از حضرت مولانا مفتی محمد شفیع صاحبؒ یا تفسیر عثمانی از شیخ الاسلام حضرت علامہ شبیر احمد عثمانی صاحبؒ

(2) معارف الحدیث کامل از حضرت مولانا محمد منظور نعمانی صاحب مد ظلہم

(3) بہشتی زیور کے مسائل  از حکیم الامت حضرت مولانا اشرف علی تھانویؒ یا علم فقہ از حضرت مولانا عبدالشکور صاحب لکھنویؒ

(4) عقائد اسلام از حضرت مولانا محمد ادریس صاحب کاندھلویؒ

(5) شریعت و طریقت از حکیم الامت حضرت مولانا اشرف علی تھانویؒ

انشاء اللہ ان کتابوں کے مطالعے سے دین کی اتنی ضروری معلومات حاصل ہو جائیں گی کہ ان کے بعد اپنی زندگی   سنور جائے، اور انسان کسی باطل نظریے سے گمراہ   نہ ہو۔ (فتاوی عثمانی ، ج: 1 ، ص:118)

عن أنس بن مالك عن النبي صلى الله عليه وسلم قال: "طَلب العلم فريضةٌ على كل مسلم" )شعب الإيمان 3/ 195 (

عن الحسن قال: قال رسول الله صلى الله عليه وسلم: من جاءه الموت وهو يطلب العلم ليحيى به الإسلام، فبينه وبين النبيين درجة واحدة في الجنة ۔(مسند الدارمي، 1/ 163)

عن ‌‌أبي ‌أمامة ‌الباهلي قال: "ذكر لرسول الله صلى الله عليه وسلم رجلان أحدهما عابد والآخر عالم، فقال رسول الله صلى الله عليه وسلم: فضل العالم على العابد كفضلي على أدناكم. ثم قال رسول الله صلى الله عليه وسلم: إن الله وملائكته وأهل السماوات والأرضين حتى النملة في جحرها وحتى الحوت ليصلون على معلم الناس الخير(هذا حديث حسن صحيح غريب)."(جامع الترمذی ج:4 ص:416 )

عن عثمان بن عفان، قال: قال رسول الله صلى الله عليه وسلم: يشفع يوم القيامة ثلاثة: الأنبياء، ثم العلماء، ثم الشهداء. (سنن ابن ماجة، ج:5 ص:367)