اللہ تعالیٰ نے قرآنِ کریم میں میراث کے احکام اور ورثا کے حصوں کی تفصیل نہایت وضاحت کےساتھ بیان کی ہے، چنانچہ میراث کو انہی حصوں کےمطابق تقسیم کرنا فرض ہے۔ غیر شرعی طریقے سے تقسیم کرنا جائز نہیں بلکہ اللہ تعالی کے مقرر کردہ حصوں سے ہٹ کرتقسیم کرنا کبیرہ گناہ ہے، جس پر سخت وعیدات آئی ہیں۔

صورت مسئولہ کے مطابق بیوی کے وفات ہونے کے بعد اس کی ملکیت میں جو بھی مال و جائیداد ہو، خواہ وہ اسے شوہر کی میراث سے ملی ہو یا کسی اور ذریعہ سے وہ تمام مال و جائیداد اس مرحومہ کے اپنے ورثا کو ملےگا۔ شوہر کے رشتہ داروں کو نہیں۔

ويستحق الإرث بإحدى خصال ثلاث: بالنسب وهو القرابة، والسبب وهو الزوجية، والوارثون أصناف ثلاثة: أصحاب الفرائض والعصبات وذوو الأرحام، كذا في المبسوط. (الفتاوى الهندية، كتاب الفرائض، ج:6، ص:440، مكتبة:دار الكتب العلمية بيروت)