واضح رہے کہ  شریعت میں کسی وارث کو میراث سے محروم کرنے کے لیے وصیت کرنا جائز نہیں ،اس لیے کہ شریعت نے ہر وارث کے لیے اپنا حصہ مقرر کیا ہے،جو مرنے والے کی موت کے بعد اس کے زندہ ورثا کو دیاجاتا ہے۔

صورت مسئولہ کے مطابق باپ کا اپنی بیٹیوں کو یہ وصیت کرنا کہ اپنے بھائیوں سے میراث نہ لو، یہ وصیت معتبر نہیں،لہذا باپ کی وفات کے بعد بہنوں کو میراث میں سے حصہ دیا جائے گا۔

عن أنس بن مالك، قال: قال رسول الله صلى الله عليه وسلم: "من فر من ميراث وارثه، قطع الله ميراثه من الجنة يوم القيامة".(سنن ابن ماجۃ،ابواب الوصایا،باب الحیف فی الوصیۃ،ج:4،ص:9،رقم الحدیث:2703)

 (ولا تجوز لوارثه )لقوله عليه الصلاة والسلام إن الله تعالى أعطى كل ذي حق حقه ألا لا وصية لوارث.(الهداية،كتاب الوصايا، ج:4، ص:639)