واضح رہے کہ لفظِ "آزاد "بذاتِ خود اگر چہ کنائی ہے، تاہم عرف میں یہ لفظ طلاق ہی کے لیے استعمال ہوتا ہے ، اس لیے فقہائے کرامؒ نے اس کو طلاقِ صریحی میں شمار کرکے  اس سے طلاق رجعی واقع ہونے کا قول کیا ہے۔

لہذا صورت مسئولہ کے مطابق اگر کسی شخص نے اپنی بیوی سے تین مرتبہ یہ  کہا کہ اگر " تم میرے بھائی کے گھر گئی تو تم مجھ سے آزاد ہوگی "اور بیوی اپنے شوہر کے بھائی کے گھر چلی گئی  ہوتو اس سے تین طلاقیں واقع ہوگئی ہیں۔

فإن سرحتك كناية لكنه في عرف الفرس غلب استعماله في الصريح فإذا قال " رهاكردم " أي سرحتك يقع به الرجعي مع أن أصله كناية أيضا، وما ذاك إلا لأنه غلب في عرف الفرس استعماله في الطلاق.(ردالمحتار علی الدرالمختار،کتاب الطلاق،باب الکنایات،ج:3،ص:299)

وإذا أضاف الطلاق إلى النكاح وقع عقيب النكاح.(فتح القدير،كتاب الطلاق، باب الأيمان في الطلاق،ج:4،ص:114)