واضح رہے کہ کوئی شخص کسی عورت کو شہوت کےساتھ چھوتاہے،تواس سےحرمت مصاہرت کے ثبوت کےلیےجوشرائط بیان کی گئی ہیں،ان میں سے شہوت کے ساتھ رغبت جماع کا ہونا بھی ضروری ہے۔

صورت مسئولہ میں اگرمطلقہ عورت کو اس کے سسر نے بلا حائل کے ہاتھ لگایاہواور ہاتھ لگانے سے انتشار بھی ہواہو، لیکن اس کےحلفیہ بیان کے مطابق اس وقت رغبتِ جماع (جماع کی خواہش) موجود نہیں تھی تو حرمتِ مصاہرت ثابت نہیں ہوئی۔ لہذا حرمت مصاہرت ثابت نہ ہونے کی وجہ سے اس عورت کے لیے سابقہ شوہر سے دوبارہ نکاح  کرنا جائز ہے۔

وجعلوا حدّ الشهوة أن يميل قلبه إليها ويشتهي جماعها.(المحيط البرهاني، کتاب النکاح، الفصل الثالث عشر فى بيان اسباب تحريم، ج:3، ص:63)

قال عامة العلماء ‌الشهوة ‌أن ‌يميل قلبه إليها ويشتهي أن يواقعها، كذا في قاضي خان.(درر الحكام شرح غرر الأحكام، كتاب النكاح، ج:1، ص:330)