واضح رہے کہ جب تک کوئی عورت کسی مرد کے نکاح میں ہو تو وہ دوسرے مرد کے ساتھ نکاح نہیں کرسکتی، اس لئے جب تک پہلے شوہر کی طرف سے طلاق، یا خلع سے آزاد ہونا یا کسی شرعی عدالت کے ذریعے فسخ نکاح ثابت نہ ہو، تو عورت کا نکاح برقرار رہتا ہے۔ محض شوہر کے ظلم وستم اور مارپیٹ یا لمبے عرصے تک شوہر سے علیحدہ رہنے کی وجہ سے نکاح خود بخود ختم نہیں ہوتا ۔

1) لہٰذا صورت مسئولہ میں اگر پہلے شوہر کی طرف سے طلاق ثابت نہ ہو، تو عورت کا دوسرے شخص سے کیا ہوا نکاح شرعاً ناجائز و باطل ہے، اس لئے اس عورت اور دوسرے شخص کے درمیان علیحدگی ضروری ہے اور اس نکاح سے زوجیت قائم نہیں ہوئی، بلکہ عورت بدستور پہلے شوہر کے نکاح میں ہے ۔

2) اگر دو معتبر گواہوں یا پہلے شوہر کے اقرار سے یہ ثابت ہوجائے کہ پہلے شوہر نے دوسرے نکاح سے پہلے طلاق دی تھی اور عدت بھی پوری ہوچکی تھی، تو دوسرا نکاح شرعاً درست شمار ہوگا، اور نئے سرے سے نکاح کی ضرورت نہیں ہوگی ۔

3) جس شخص کے ساتھ دوسرا نکاح کیا ہے اس کے ساتھ طویل عرصہ گزارنے کے باوجود اس سے فورا جدائی ضروری ہے ۔

4) اللہ تعالیٰ سے سچے دل کے ساتھ معافی مانگے امید ہے کہ اللہ تعالیٰ توبہ قبول فرمائیں گے ۔

5) عورت کی وفات کے بعد اس کے تمام بچوں کا میراث میں حق ہوگا اگر پہلا شوہر زندہ ہو وہ بھی حق دار ہوگا تاہم دوسرا شوہر حق دار نہ ہوگا ۔

6) عورت اگر اپنی زندگی میں چاہے تو اولاد کو اپنا جائداد ہبہ کر سکتی ہے تاہم تقسیم میں انصاف کا معاملہ ضروری ہے ورنہ گناہ گار ہوگی ۔

قال اللہ تعالی: ﴿قُلْ يَاعِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ﴾(سورة الزمر،آيت:53)

  قال رحمه الله (ويرث ولد الزنا واللعان بجهة الأم فقط) لأن نسبه من جهة الأب منقطع فلا يرث به، ومن جهة الأم ثابت فيرث به أمه۔( تبيين الحقائق شرح كنز الدقائق،كتاب الفرائض،ج:6،ص:241)

أما نکاح معتدۃ الغیر ومنکوحتہ، فالدخول فیہ لا یوجب العدۃ إن علم أنہا للغیر؛ لأنہ لم یقل أحد بجوازہ فلم ینعقد أصلاً۔)ردالمحتار على الدرالمختار،كتاب النكاح ،ج:3،ص:132)

لایجوز للرجل أن یتزوج زوجۃ غیرہ۔ (الفتاوى الهندية، كتاب النكاح،ج:1،ص:280)

وفي الخانية: لا بأس بتفضيل بعض الاولاد في المحبة لانها عمل القلب، وكذا في العطايا إن لم يقصد به الاضرار، وإن قصده فسوى بينهم يعطي البنت كالابن عند الثاني، وعليه الفتوى. ولو وهب في صحته كل المال للولد جاز وأثم.(الدرالمختار شرح تنوير الابصار،كتاب الهبة، ص:562)