واضح رہے کہ اگر کوئی آدمی مستقبل میں کسی کام کرنے یا نہ کرنے پر قسم کھائے،تو یہ  یمین منعقدہ کہلاتی ہے، اور قسم توڑنے کی صورت میں کفارہ لازم ہوگا۔ نیز اگر کوئی کسی دوسرے کے کام کرنے یا نہ کرنے پر قسم کھائے،تو بھی قسم منعقد ہوگی اورحانث ہونے کی صورت میں کفارہ لازم ہوگا۔

صورت مسئولہ میں چونکہ باپ نے اللہ کے نام پر قسم کھائی ہے کہ تم مجھ سے موبائل استعمال نہیں کرسکوگے،اس لیے اس کا قسم منعقد ہوا اور بیٹے کا موبائل دوبارہ دکاندار سے خرید کراستعمال کرنےپر باپ حانث ہوکر اس پر کفارہ لازم ہوگا۔

واليمين المنعقدةهي الحلف على الأمر المستقبل أن يفعله أولا يفعله فإذا حنث في ذلك لزمته الكفارة.(مختصرالقدوري،كتاب الأيمان،ص:209)

 قال لغيره: والله لتفعلن كذا فهو حالف، فإذا لم يفعله المخاطب حنث إلخ فعلم أنه في حلفه لا يدخل فلان داره يحنث بدخوله وإن نهاه الحالف لأنه وجد شرط الحنث.(ردالمحتارعلی الدرالمختار،کتاب الطلاق،ج:3،ص:380)