سوال

میں کاروبار کرتا ہوں۔ اس کاروبار میں چینی کرنسی RMB (یوآن) استعمال ہوتی ہے۔ جب میں چین سے موبائل خریدتا ہوں تو اس کی رقم RMB میں ادا کرتا ہوں۔ مثلاً اگر ایک لاکھ (100,000) RMB کے موبائل چین سے خریدوں اور اس وقت ایک RMB کا ریٹ پاکستانی روپے میں 40 روپے ہو، تو ایک لاکھ RMB کے بدلے 40 لاکھ پاکستانی روپے بنتے ہیں۔ اب اگر کسی وقت مارکیٹ میں RMB کا ریٹ 40 روپے سے بڑھ کر 41 روپے ہو جائے، تو ایک لاکھ RMB کی قیمت 41 لاکھ پاکستانی روپے بن جاتی ہے، یعنی پہلے کے مقابلے میں ایک لاکھ روپے زیادہ ہو جاتے ہیں۔ میرا سوال یہ ہے کہ میں ایک شخص سے 100,000 RMB (ایک لاکھ چینی یوآن) قرض لیتا ہوں۔ جس وقت میں نے یہ قرض لیا، اس وقت مارکیٹ میں ایک RMB کا ریٹ 40 پاکستانی روپے تھا۔ اس حساب سے ایک لاکھ RMB کی مارکیٹ قیمت 40 لاکھ پاکستانی روپے بنتی تھی۔ لیکن جس شخص سے میں نے قرض لیا، اس نے مجھے قرض دیتے وقت ایک RMB کا ریٹ 41 پاکستانی روپے کے حساب سے لگایا۔ یعنی اس نے مجھے ایک لاکھ RMB دیے، لیکن حساب میں ان کی قیمت 41 لاکھ پاکستانی روپے مقرر کی، جبکہ اس وقت مارکیٹ ریٹ کے حساب سے ان کی قیمت صرف 40 لاکھ روپے تھی۔ یعنی قرض دینے کی وجہ سے مارکیٹ ریٹ 40 روپے ہونے کے باوجود ایک روپیہ فی RMB زیادہ لگایا گیا، جس سے مجموعی طور پر ایک لاکھ روپے زائد ہو گئے۔ اب طے یہ ہوا کہ میں ایک ماہ بعد اسے 41 لاکھ پاکستانی روپے واپس کروں گا۔ میرا سوال یہ ہے کہ کیا اس طرح 100,000 RMB قرض دے کر 41 لاکھ پاکستانی روپے دینا شرعاً جائز ہے؟ جبکہ قرض دیتے وقت مارکیٹ ریٹ 40 روپے تھا اور 41 روپے کا ریٹ صرف قرض دینے کی وجہ سے لگایا گیا، تو کیا یہ اضافی ایک لاکھ روپے سود (ربا) کے حکم میں ہوں گے؟ مفتی صاحب! یہاں پر جنس بدل جاتی ہے یعنی میں پاکستانی روپے دوں گا اور وہ مجھے چینی RMB دیتا ہے۔ اگر یہ صورت ناجائز ہے، تو اس کا شرعی طور پر درست طریقہ کیا ہوگا؟

 

جواب

---

---