واضح رہے کہ شریعت نے معاملات میں امانت، دیانت اور باہمی معاہدوں کی پابندی کو بنیادی اہمیت دی ہے۔ اس لیے کسی شخص کے مال یا حق سے متعلق اگر کوئی معاملہ ہو تو اس میں مالک کی رضامندی اور طے شدہ شرائط کی پابندی ضروری ہے۔ گاڑی میں سامان لے جانے والے کی حیثیت اجیر کی ہوتا ہے اس لیے مالک کی اجازت کے بغیر اس کا  سامان دوسرے کو حوالہ کرنا جائز نہیں اگر حوالہ کر دیا اور وہ ہلاک ہوگیا تو گاڑی والا ضامن ہوگا۔

لہذا صورت مسئولہ کے مطابق اگر سامان کے مالک نے کراچی کے ٹرانسپورٹر کے ساتھ یہ شرط لگائی تھی کہ آپ خود ہی اس سامان کو منزل تک پہنچائیں گے، تو اس صورت میں ٹرانسپورٹر کے لیے جائز نہیں تھا کہ وہ دوسرے کو حوالہ کرے، اور گر مالک نے یہ شرط نہ لگائی تھی کہ آپ کسی کے حوالہ نہیں کریں گے تو پھر ٹرانسپورٹر کے لیے سامان دوسرے کو حوالہ کرنا جائز تھا ۔

نیزکراچی والے کا دوسرے ٹرانسپوٹر کو مال حوالہ کر کے اس سے ایک لاکھ روپے وصول کرنا چونکہ بلا عوض ہے۔ اس لیے یہ کسی جائز عقد کے تحت داخل نہیں ۔

قال الله تعالى:﴿وَأَوْفُوا بِالْعَهْدِ إِنَّ الْعَهْدَ كَانَ مَسْئُولًا﴾ [الإسراء: 34]

وقال تعالى:﴿وَلَا تَعَاوَنُوا عَلَى الْإِثْمِ وَالْعُدْوَانِ﴾ [المائدة: 2]

وليس له أن يدفع الوديعة إلى غيرهم، إلا لعذر، حتى لو دفع، تدخل في ضمانه؛ لأن المالك ما رضي بيده، ألا يرى أنه لا يرضى مال نفسه بيده، فإذا دفع؛ فقد صار مخالفا، فتدخل الوديعة في ضمانه إلا إذا كان عن عذر. (بدائع الصنائع، ج:6، :208)

 (ويكره) تحريما (بيع السلاح من أهل الفتنة إن علم) لأنه إعانة على المعصية. (رد المحتار علی الدر المختار، ج:4، ص:268)