واضح رہے کہ خریداروں کو اپنی طرف متوجہ کرنے کے لیے مبیع کی مقدار میں اضافہ یا اس کی قیمت میں کمی کرنا یا مبیع میں نقد انعام یا کھلونا وغیرہ رکھنا جائز ہے۔ بشرط کہ مبیع کی قیمت مارکیٹ ریٹ سے زیادہ مقرر نہ کی جائے نیز اس انعامی اسکیم کو ناقص مصنوعات کی مارکیٹنگ کا ذریعہ نہ بنایا جائے۔

صورت مسئولہ کے مطابق چپس کمپنی کا اپنے مصنوعات کی طرف گاہک کو راغب کرنے کے لیے پاپڑ کے پیکٹوں میں نقد انعامات یا کھلونے رکھنا اس شرط پر جائز ہے کہ پاپڑ کی قیمت مارکیٹ ریٹ سے زیادہ مقرر نہ کی جائے، اور اس کا معیار ناقص نہ ہو۔

قال: ويجوز للمشتري أن يزيد للبائع في الثمن ويجوز للبائع أن يزيد للمشتري في المبيع. (الهداية شرح البداية المبتدي، كتاب البيوع، باب المرابحة و التولية، ج:5، ص:146، مكتبة البشرى كراتشي)

وجواز أخذها مشروط بأن لايكون البائع زاد في ثمن البضاعة من أجل هذه الجوائز وإلا صار نوعا من القمار... وكذلك إن كان الثمن ثمن المثل، فإنه يشترط أن يكون المشتري يقصد شراء البضاعة حقيقة، ولا يشتريها لمجرد احتمال الحصول علی الجائزة، وإلا ففيه شبهة القمار. (فقه البيوع، الجوائز علی المبیعات، ج:2، ص:811)