اگر مدرسے کی انتظامیہ طالبات سے صرف امتحانی پرچوں کی فوٹو کاپی یا پرنٹنگ کے اخراجات کے عنوان سے فی طالبہ 100 روپے وصول کرے، جبکہ حقیقت میں پرچوں کی پرنٹنگ پر 60 روپے خرچ ہوتے ہوں ، تو باقی 40 روپے کسی استاد کو اس کی خدمات کے عوض دینا جائز نہیں،  بلکہ انہی طالبات کو لوٹانا  ضروری ہے یا پھر ان کی اجازت سے دوسرے مصرف میں خرچ  کیے جاسکتے ہیں ،البتہ اگر مدرسے کی انتظامیہ ابتدا ہی سے فی طالبہ100روپے بطور امتحانی اخراجات مقرر کرے، اور اس میں پرچوں کی پرنٹنگ، امتحانی انتظامات اور متعلقہ اساتذہ کے خدمات وغیرہ شامل ہوں تو پھر بقیہ رقم  کسی استاد کو اس کی اضافی امتحانی خدمت کے عوض کے طور پر دینا جائز ہے۔

لا يجوز لأحد من المسلمين أخذ مال أحد بغير سبب شرعي.(البحرالرائق، فصل فی التعزیر، ج:5، ص:68)

لا يجوز لأحد أن يتصرف في ملك الغير بلا إذنه.( مجلة الأحكام العدلية، المادة :96، ص:27)