واضح رہے کہ  میراث ہر وارث کا ایک لازمی حق ہے ۔ وراثت میں اپنے مقررہ حصے کے بدلے کوئی اور چیز قبول کر کے دستبردار ہونے میں  وارث کی مکمل رضامندی کا پایا جانا ضروری  ہے۔ بغیر رضامندی  کے کسی کا حقِ وراثت ساقط نہیں ہوتا۔

صورتِ مسئولہ میں اگر بھائیوں نے بہن کی رضامندی کے ساتھ اسے جائیداد کے بدلے حج کروایا ہو تو شرعاً یہ درست ہو گا۔ اس صورت میں بہن کا جائیداد سے حق ختم ہو گا ، لہٰذا اب بیٹے کو اپنی ماں کا حصہ اپنے ماموں سے طلب کرنے کا شرعاً کوئی حق نہیں ۔لیکن اگر بھائیوں نے بہن کی رضامندی  کے بغیر ہی اسے اپنی طرف سے حج کروا دیا تھا اور بہن حج کے بدلے اپنے حصہ میراث سے دستبردارنہ ہوئی ہو، تو یہ حج بھائیوں کی جانب سے ایک تبرع شمار ہوگا۔ اوراس صورت میں بیٹے کو  حق  ہوگا کہ وہ اپنے ماموں سے اپنی والدہ کا حصہ طلب کرے۔

قوله ثم شرع في مسألة التخارج تفاعل من الخروج وهو في الاصطلاح تصالح الورثة على إخراج بعضهم عن الميراث على شيء من التركة عين أو دين. (رد المحتارعلی الدرالمختار، كتاب الصلح، باب صلح الورثة، ج: 6، ص: 811)

 إذا كانت التركة بين ورثة فأخرجوا أحدهما منها بمال أعطوه إياه والتركة عقار أو عروض صح قليلا كان ما أعطوه أو كثيرا. (الفتاوى الھندية، كتاب الصلح، الباب الخامس عشر في صلح الورثة والوصي في الميراث والوصية، ج: 4، ص: 268)

 وسببه طلب الخارج من الورثة ذلك عند رضا غيره به. (فتح القدير للكمال بن الهمام، كتاب الصلح، فصل في التخارج،

ج: 8، ص:439)