واضح رہے کہ "مریم نواز راشن کارڈ" غریب عوام  کے لیے  مخصوص شرائط کے ساتھ دیا جاتا ہے۔ اس کارڈ کے ذریعے صرف راشن حاصل کیا جا سکتا ہے، نقد رقم وصول نہیں کی جاسکتی۔ لہذا کسی اور کو یہ کارڈ دے کر اس سے پیسے وصول کرنا شرعا و قانونا ًدرست نہیں۔ اور دکاندار کو یہ اجازت نہیں  کہ وہ گاہک کونقد رقم دے اور یہ ظاہر کرے کہ اس نے  تین ہزار روپے کا راشن خریدا ہے۔  یہ  فریب اور دھوکہ ہے، اس لیے یہ عمل شرعاً درست نہیں ہے۔  البتہ اگر راشن کا مستحق  شخص راشن وصول کر لےاور اس کے بعد  وہ واپس فروخت کر کے رقم حاصل کرے تو اس کی گنجائش ہے۔

قال اللہ تعالی: {يَاأَيُّهَا الَّذِينَ آمَنُوا أَطِيعُوا اللَّهَ وَأَطِيعُوا الرَّسُولَ وَأُولِي الْأَمْرِ مِنْكُمْ} [النساء: 59]

عن أبي أمامة، قال: قال رسول الله صلى الله عليه وسلم: "يطبع المؤمن على الخلال كلها إلا الخيانة والكذب" (مسند أحمد، 36/ 504)

ومن اشترى شيئًا مما ينقل ويحول لم يجز له بيعه حتى يقبضه لأنه عليه الصلاة والسلام نهى عن بيع ما لم يقبض."  (الهداية في شرح بداية المبتدي، 3/ 59)