واضح رہے کہ زکوٰۃ کی ادائیگی کے صحیح ہونے کے لیے بنیادی شرط یہ ہے کہ زکوٰۃ کا مال کسی مستحقِ زکوٰ کی ملکیت میں دیا جائے۔ محض زکوٰۃ کی رقم کسی کمیٹی، جرگے، فلاحی ادارے یا ٹرسٹ کے حوالے کر دینے سے، زکوٰۃ ادا نہیں ہوتی ،جب تک وہ رقم  مستحق کو حوالہ نہ کی گئی ہو۔

لہذا صورت مسئولہ کے مطابق اگر زکوۃ ادا کرنے والوں نے ویلفیئر جرگہ کو اپنی طرف سے مستحقین تک زکوٰۃ پہنچانے کا وکیل بنایا ہو، جیسا کہ عرفاً ایسے اداروں کو زکوٰۃ اسی مقصد کے لیے دی جاتی ہے، تو جرگہ زکوٰۃ دینے والوں کا وکیل شمار ہوگا۔ اس صورت میں زکوٰۃ اس وقت ادا شمار ہوگی جب جرگہ وہ رقم کسی مستحقِ زکوٰۃ کی ملکیت میں دے دے یا اس کی اجازت سے اس کے علاج یا دیگر ضروریات پر اس طریقےسے خرچ کرے کہ تملیک کی شرط پوری ہوجائے،ورنہ جب تک رقم خرچ نہ ہوئی ہو بلکہ جرگہ کے پاس پڑی رہے تو زکوۃ ادا نہ ہوگی۔

قال الله تعالى:﴿إِنَّمَا الصَّدَقٰتُ لِلۡفُقَرَآءِ وَالۡمَسٰكِينِ وَالۡعٰمِلِينَ عَلَيۡهَا وَالۡمُؤَلَّفَةِ قُلُوبُهُمۡ وَفِي الرِّقَابِ وَالۡغٰرِمِينَ وَفِي سَبِيلِ اللَّهِ وَابۡنِ السَّبِيلِۖ فَرِيضَة مِّنَ اللَّهِۗ وَاللَّهُ عَلِيمٌ حَكِيم﴾ [التوبة: 60]

أما تفسيرها فهي تمليك المال من فقير مسلم غير هاشمي، ولا مولاه بشرط قطع المنفعة عن المملك من كل وجه لله - تعالى - هذا في الشرع كذا في التبيين.( الفتاوى العالمكيرية، كتاب الزكاة، ج:1،ص:170)