واضح رہے کہ گاہک کو راغب کرنے کے لیے مبیع میں زیادتی اور ثمن میں کمی کی جاسکتی ہے، ، نیز بائع کے لیے یہ بھی جائز ہے کہ وہ گاہکوں کو اپنی طرف راغب کرنے کے لیے خریداری پر انعام مقرر کرے، اور پھر قرعہ اندازی کے ذریعے اس کو تقسیم کرے،  بشرط یہ کہ اس انعام کی وجہ سے مبیع کی قیمت میں زیادتی نہ کی جائے، اور نہ ہی اس انعام کو مقصد بنایا جائے۔

 صورت مسئولہ میں مذکورہ تفصیلات  سے یہ معلوم ہوتا ہےکہ اس سارے معاملے میں شریک ہونے والے افراد کا  مقصود کوپن لے کر قرعہ اندازی  کے ذریعے انعام حاصل کرنا ہوگا، کیونکہ اس اسکیم میں وہ لوگ بھی کوپن لے سکتے ہیں ، جن کا مقصد پلاٹ خریدنا نہیں ہوتا، جیسا کہ سوال کہ اس جملے سے معلوم ہوتاہے:"لیکن اگر کوئی شخص اس خریداری کے مرحلے  میں داخل  نہیں ہوتا اور 2000 ہزار روپے دے کر وہ الگ ہونا چاہتا ہو "۔  نیز یہ کہ اس میں  کوپن کے حصول کے لیے  جو دو ہزار روپے دیے جاتے ہیں، انعام نہ نکلنے کی صورت میں اس کی واپسی نہیں ہوتی، اگرچہ کوپن دوسرے پر فروخت کرنے کی اجازت ہوتی ہے، لیکن کوپن ایسی چیز نہیں جس کو فروخت کیا جا سکے، لہذا  یہ صورت قمار میں داخل ہوکر ناجائز رہے گی۔تاہم  اگر صرف خریداری کرنے والوں کے لیے ہی  کوپن  متعارف کروائے جائیں اور قرعہ اندازی کے ذریعےبعض کو پلاٹ کی قیمت میں ڈسکاونٹ دیا جائےیا کوئی انعام دیا جائےجب کہ باقی کی رقم کو قیمت کا حصہ بنادیا جائے، تو یہ جائزہوگا، بشرط یہ کہ اس کی وجہ سے پلاٹ کی معروف قیمت میں کوئی اضافہ نہ ہو۔

قال الله تعالى: ﴿يَاأَيُّهَا الَّذِينَ آمَنُوا إِنَّمَا الْخَمْرُ وَالْمَيْسِرُ وَالْأَنْصَابُ وَالْأَزْلَامُ رِجْسٌ مِنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ﴾. (سورة المائدة، آيت:90)

وهذا لأن القمار مشتق من القمر الذي يزداد وينقص، سمي القمار قمارا؛ لأن كل واحد من المقامرين ممن يجوز أن يذهب ماله إلى صاحبه، ويستفيد مال صاحبه، فيزداد مال كل واحد منهما مرة وينتقص أخرى. (المحيط البرهاني، کتاب الاستحسان والکراہیة، ج:6، ص:54)

(و) صح (الحط منه) ولو بعد هلاك المبيع وقبض الثمن (والزيادة) والحط (يلتحقان بأصل العقد) ... (قوله: وصح الحط منه) أي من الثمن. (رد المحتار علی الدرالمختار،  کتاب البیوع، ج:7، ص:396)

وجواز أخذها مشروط بأن لايكون البائع زاد في ثمن البضاعة من أجل هذه الجوائز وإلا صار نوعا من القمار... وكذلك إن كان الثمن ثمن المثل، فإنه يشترط أن يكون المشتري يقصد شراء البضاعة حقيقة، ولا يشتريها لمجرد احتمال الحصول علی الجائزۃ، وإلا ففيه شبهة القمار. (فقه البيوع، الجوائز علی المبیعات، ج:2، ص:811)