سوال

فرہاد خان ولد خائستہ الرحمٰن کا نکاح "مریم بنت خان تحصیل" سے دونوں خاندانوں کی رضا مندی سے طے پایا۔ منگنی اعلانیہ ہوئی، دعوتِ ولیمہ کے ہزاروں کارڈ تقسیم کیے گئے اور بڑی تعداد میں مہمان شریک تھے۔ نکاح کے وقت نیچے ہال میں شدید رش اور شور تھا جبکہ اوپر مستورات موجود تھیں۔ اس لیے باہمی مشورے سے اسی عمارت کے درمیانی فلور کے ایک ہال میں نکاح کا انتظام کیا گیا، جس پر متعلقہ افراد نے اتفاق کیا۔ اسی ہال میں نکاح خواں، دولہا، دلہن کا شرعی وکیل اور ۷ تا ۸ عاقل، بالغ مسلمان مرد گواہ ایک ہی مجلس میں موجود تھے۔ ایجاب و قبول شرعی طریقے سے ہوا، تمام گواہوں نے واضح طور پر سنا اور آخر میں دعا بھی کی گئی۔ یہ نکاح کسی سے مخفی نہ تھا بلکہ حاضرین کو اس کا علم تھا۔ بعد ازاں ایک شخص نے یہ اعتراض کیا کہ چونکہ نکاح مجمعِ عام یا مسجد میں نہیں بلکہ عمارت کے ایک الگ ہال میں ہوا، اس لیے یہ "نکاحِ سر" (خفیہ نکاح) ہے، شرعاً درست نہیں اور "اصلی نکاح" بھی نہیں۔ ۱۔ کیا مذکورہ صورت میں فرہاد خان اور "مریم بنت خان تحصیل" کا نکاح شرعاً صحیح، منعقد اور نافذ ہو چکا ہے؟ ۲۔ کیا مجمع کے شور سے بچنے کے لیے اسی عمارت کے دوسرے فلور پر، نکاح خواں، دولہا، دلہن کے شرعی وکیل اور شرعی گواہوں کی موجودگی میں نکاح کرنا شرعاً "نکاحِ سر" شمار ہوگا؟ نیز فقہِ حنفی کی رو سے ممنوع "نکاحِ سر" کی حقیقی تعریف کیا ہے؟ ۳۔ کیا یہ کہنا کہ "ایسا نکاح اصلی نہیں" یا "یہ شرعاً درست نہیں"، جبکہ اس میں نکاح کے تمام شرعی شرائط موجود ہوں، درست ہے؟ اس دعوے کی شرعی حیثیت کیا ہے؟ ۴۔ اگر مذکورہ نکاح شرعاً صحیح، منعقد اور جائز قرار پائے، تو کیا ایسے صحیح و جائز نکاح کو بلا دلیل ناجائز، باطل، غیر شرعی یا "اصلی نکاح نہیں" کہنا، یا کسی ثابت شدہ حلال و جائز امر کو حرام یا ناجائز قرار دینا شرعاً درست ہے؟ ایسے قول کے بارے میں شریعتِ مطہرہ کی کیا ہدایت ہے؟ کیا ایسے شخص پر اپنے قول سے رجوع کرنا، اللہ تعالیٰ سے توبہ و استغفار کرنا اور لوگوں کے سامنے اپنی غلطی کی اصلاح کرنا لازم یا ضروری ہے؟ جواب مع حوالہ کتبِ فقہ مرحمت فرمایا جائے۔

جواب

---

---