مہتمم کو طلبہ کے اخرجات یا مدرسہ کے دوسرے مصالح کے لیے لوگ جو چندہ دیتے ہیں وہ اس کے پاس امانت ہوتا ہے،جو اسی کام میں صرف کرنا لازم ہے جس کام کے لیے دیا گيا ہو اس سے ہٹ کر ذاتی مفادات کے لیے استعمال کرنا خیانت ہے۔

صورت مسئولہ کے مطابق اگر مدرسے کی انتظامیہ کی طرف سے یہ طے ہو کہ صرف مقیم اساتذہ کو کھانا دیا جائے گا تو مدرسے کے اصول و ضوابط کی خلاف ورزی کر کے غیر مقیم استاد یا اہل محلہ کو نہیں کھلایا جا سکتا۔ تاہم اگر مدرسے کے انتطامیہ کی طرف سےغیرمقیم استاد کو کھانے کی اجازت ہو تو اس کو کھلایا جاسکتا ہے لیکن وہ مہمان یا اہل محلہ جن سے مدرسے اور طلبہ کا کوئی مفاد وابستہ نہ ہو ان کو مدرسے کا کھانا کھلانا جائز نہیں۔

الوكيل ‌أمين على المال الذي في يده كالمستودع. (درر الحكام في شرح مجلة الاحكام، المادة:1463، ج:3، ص:561، مكتبة:المكتبة العربية)

وفي شرحها للشرنبلالي عند قوله: ويدخل في وقف المصالح قيم … إمام خطيب والمؤذن يعبر. (رد المحتار على الدر المختار، كتاب الوقف، ج:4، ص:371)