واضح رہے کہ عقد مضاربت میں منافع کی تقسیم تناسب(منافع کی فیصدی) سے طے کرنا ضروری ہے، اگر کسی ایک کے لیے متعین رقم نفع میں سے طے کر لی جائے تو مضاربت جائز نہ ہوگی۔

لہذا صورت مسئولہ میں سائل کا کتابوں کے لیے کسی ساتھی سے دس لاکھ روپے اس شرط پر لینا کہ" میں آپ کو کتابیں فروخت ہونے  کے بعد ہر سیٹ میں پانچ سو روپے دوں گا" یہ معاملہ جائز نہیں کیونکہ ہو سکتا ہے کہ جتنی رقم متعین کی ہے اتنا ہی نفع ہو جائے یا اس سے کم ہو جائے، البتہ اس کی  درست صورت یہ ہے کہ نفع میں سے دونوں کا حصہ تناسب(مثلا:نصف، ثلث، ربع وغیرہ ) کے حساب سے متعین کر لیا جائے۔

ومن شرطها أن يكون الربح بينهما مشاعا لا يستحق أحدهما دراهم مسماة من الربح لأن شرط ذلك يقطع الشركة بينهما ولا بد منها كما في عقد الشركة.قال: "فإن شرط زيادة عشرة فله أجر مثله" لفساده فلعله لا يربح إلا هذا القدر. (الهداية، كتاب المضاربة، ج:3،ص:200)

أن يكون المشروط لكل واحد منهما من المضارب ورب المال من الربح جزءا شائعا، نصفا أو ثلثا أو ربعا، فإن شرطا عددا مقدرا بأن شرطا أن يكون لأحدهما مائة درهم من الربح أو أقل أو أكثر والباقي للآخر لا يجوز. (بدائع الصنائع، كتاب المضارعه، فصل في بيان حكم المضاربة، ج:6، ص:85)