طلاق کوجب کسی شرط کے ساتھ معلق کیا جائے تو اس شرط کے پائے جانے سے طلاق واقع ہو جائے گی، البتہ شرط کےلیےجوالفاظ استعمال ہوتے ہیں ان میں لفظ، کلما(بمعنی جب بھی یا ہر بار) کےعلاوہ بقیہ الفاظ ذکر کرنے کی صورت میں شرط کے پائے جانے سے صرف ایک مرتبہ طلاق واقع ہوتی ہے، شرط کے دوبارہ پائے جانے سے مزید طلاق واقع نہ ہوگی۔

صورتِ مسئولہ کے مطابق پشتو زبان کے الفاظ "دغہ جینئ سرہ چی ہر کلہ ہم زما نکاح وشوہ"میں بظاہر اگرچہ عموم معلوم ہوتا ہے، لیکن عرف اور معاشرے کے حوالے سےلفظ " ہر کلہ ہم" تاکید کے لیے استعمال ہوتا ہے،تکرارکےلیےنہیں۔ لہٰذا ان الفاظ کے ساتھ بار بار طلاق واقع نہیں ہوگی، بلکہ صرف ایک مرتبہ طلاق واقع ہوکرتعلیق ختم ہوجائےگی۔

چونکہ نکاح سے پہلے شرط رکھی گئی ہے،ا س لیے اس لڑکی سے پہلی مرتبہ نکاح کرتے ہی اس پر طلاق واقع ہو جائے گی اور شرط ختم ہوجائےگی۔ لہذا یہ شخص اگراس لڑکی سےدوبارہ نکاح کرے گا تواس پرطلاق واقع نہیں ہوگی اور نکاح قائم رہے گا۔

ألفاظ الشرط: إن وإذا وإذا ما وكل وكلما ومتى ومتى ما... ففي هذه الألفاظ إذا وجد الشرط انحلت وانتهت اليمين إلا في "كلمة " كلما فإنها تقتضي تعميم الأفعال.(الهداية في شرح بداية المبتدي، كتاب الطلاق، باب الأيمان في الطلاق:ج:3،ص،196)

والألفاظ التي للشرط بالفارسية أكر وهمي وهميشة وهرگاه وهر زمان وهر بار فالأول بمعنى قوله إن فلا يحنث إلا مرة والثاني بمعنى متى فلا يحنث إلا مرة والثالث كالثاني ومعناها واحد وفي الرابع والخامس يحنث مرة لأنه بمعنى كل وهو الصحيح والسادس بمعنى كلما فيحنث كل مرة.(الفتاوى الهندية، كتاب الطلاق، الباب الرابع في الطلاق بالشرط:ج:1،ص:484)