واضح رہے کہ شریعت مطہرہ نے مسلمانوں کو نیکی اور تقویٰ کے کاموں میں ایک دوسرے کے ساتھ تعاون کا حکم دیا ہے اور گناہ و ظلم کے کاموں میں تعاون سے منع فرمایا ہے۔ نیز فقہاء کی عبارات سے معلوم ہوتا ہے کہ گناہ پر اعانت دو طرح کی ہوتی ہے ایک براہ راست اور دوسری  بالواسطہ لہذا جو عمل بذات خود گناہ کا سبب بنے اس سے اجتناب لازمی ہے البتہ جو کام فی نفسہ مباح ہو اور اس میں نہ تو معصیت کا ارادہ ہو اور نہ ہی براہ راست  گناہ پر تعاون ہوتو اس میں  گناہ نہیں۔

لہذا صورت مسئولہ میں سائل جب ماربل شوروم پر ملازمت کرتا ہے اور وہ مالک کے کہنے پر  شوروم کے گاہکوں کی ضیافت کے لیے نیسلے، پیپسی وغیرہ لائے تو شرعی لحاظ سے یہ عمل براہ راست گناہ میں تعاون پر مشتمل نہیں ہے، لہذا گناہ گار نہ ہوگا۔

قال الله تعالى:﴿وَتَعَاوَنُوا عَلَى الْبِرِّ وَالتَّقْوَى وَلَا تَعَاوَنُوا عَلَى الْإِثْمِ وَالْعُدْوَانِ﴾ [المائدة: 2]

القاعدة التاسعة عشرة: إذا اجتمع المباشر والمتسبب أضيف الحكم إلى المباشر فلا ضمان على حافر البئر تعديا بما أتلف بإلقاء غيرهولا يضمن من دل سارقا على مال إنسان فسرقه. (الأشباه والنظائر لابن نجيم، ص:135)