واضح رہے کہ اپنے اوپر کسی غیر لازم کام کو لازم کرنے کا نام نذر ہے۔ نذر ماننے کے بعد اس کو پورا کرنا ضروری ہوتا ہے اسی طرح اگر کسی نے پورے مال کی نذر مان لی تو اس پر اپنے پورے مال کا صدقہ کرنا لازم ہے تاہم اپنی ضرورت کے لئے اس میں کچھ مال رکھ سکتا ہے جس کو بعد میں صدقہ کرے گا، نیز مدرسہ بعینہ نذر کا مصرف نہیں لیکن اس میں فقیر طلبا نذر کا مصرف ہوتے ہیں اس لئے مدرسے کے لئے مانی ہوئی نذر سے عرف میں مراد اس کے مستحق طلبا پر خرچ کرنا ہوتا ہے اور یہ نذر درست ہوتی ہے ۔

صورت مسئولہ کے مطابق جب مذکورہ عورت نے اپنے پورے زیورات کو مدرسہ میں دینے کی نذر مان لی تو یہ نذر منعقد ہوئی، لہذا اس پر سارے زیورات دینا لازم ہے۔

(قال): وإن قال: مالي هدي فعليه أن يهدي ماله كله، قال: بلغنا عن إبراهيم أنه قال في مثل هذا: يتصدق بماله كله ويمسك منه قدر قوته، فإذا أفاد مالا يتصدق بقدر ما أمسك۔(المبسوط للسرخسي،كتاب المناسك،باب النذر،ج:4،ص:134)

وهو مصرف أيضاً لصدقة الفطر والكفارة والنذر وغير ذلك من الصدقات الواجبة ۔(ردالمحتار على الدرالمختار،كتاب الزكاة ،ج:2،ص:339)