واضح رہے کہ جس طرح مسلمان کو زکوٰۃ و صدقات کی ادائیگی کا وکیل بنانا جائز ہے، اسی طرح ذمی غیر مسلم کو بھی وکیل بنانا جائز ہے، البتہ احتیاط اس میں ہے کہ اگر کوئی مسلمان ثقہ وکیل میسر ہو تو اسے ترجیح دی جائے، اور کافر کو وکیل بناتے وقت مال کے مصرف کی مکمل تعیین کر دی جائے تاکہ وہ محض ایک قاصد یا پہنچانے والا بنے۔

لہٰذا صورتِ مسئولہ میں اگر کوئی غیر مسلم شخص عوام الناس کے نفع کے لیے کوئی فلاحی کام کر رہا ہو، مثلا پانی کا بور کروانا، تو ایسے عمومی فلاحی اور رفاہی کاموں میں مسلمان غیر مسلم كو چندہ دے سکتے ہیں تاکہ بطورِ وکیل وہ اس کا چندہ اس کار خیر میں لگا دے، بشرطیکہ وہ فلاحی کام کسی غیر شرعی  کام یا اسلام مخالف مقصد کے لیے استعمال نہ ہو رہا ہو۔

ولو دفعها إلى الذمي ليدفعها إلى الفقراء جاز لوجود النية من الآمر هكذا في محيط السرخسي. (الفتاوى الهندية، كتاب الزكواة، ج:1،ص:171)

ولهذا لا تعتبر أهلية النائب حتى لو وكل المسلم ذميا في دفع الزكاة جاز كما في كشف الأسرار شرح أصول فخر الإسلام. (البحر الرائق شرح كنز الدقائق، باب الحج عن الغير، ج:3، ص:65)