شریعت مطہرہ کی رو سے کلمہ کفر کہتے وقت یا کافر مذہب کی طرف اپنی نسبت کرتے وقت اگر کفر کا عقیدہ بھی ہو، تو ایسی صورت میں وہ شخص دائرہ اسلام سے خارج ہو جاتا ہے۔ لیکن اگر کفر کا عقیدہ نہ ہو بلکہ مذاق میں اسلام کےعلاوہ کسی مذہب کی طرف اپنے آپ کو منسوب کرے اور دل سے اس کا ارادہ نہ ہو، تو اگرچہ یہ بڑی جرأت اور عظیم گناہ ہے، تاہم عقیدہ نہ ہونے کی وجہ سے وہ کافر نہیں ہوتا۔

صورتِ مسئولہ کے مطابق جب مذکورہ شخص نے مذاق میں اپنے آپ کو ہندو کہا لیکن اس کا عقیدہ کفر کا نہ تھا، تو ایسے شخص کو کافر نہیں کہا جاسکتا نہ اس کا نکاح متاثر ہواہے۔ تاہم اس طرح کے الفاظ زبان پر لانا انتہائی خطرناک اور گناہِ کبیرہ ہے، اس لیے اس عمل پر سچے دل سے توبہ و استغفار لازم ہے اور آئندہ کے لیے ایسے الفاظ سے مکمل اجتناب کرنا چاہیے۔

ومن أتی بلفظة الكفر مع علمه أنها لفظة الكفرعن اعتقاده فقد كفر،ولولم يعتقد أولم يعلم أنهالفظة الكفر، ولكن أتی بها علی اختيار فقد كفر عند عامة العلماء لا يعذر بالجهل، وفی الخانية:وقال بعضهم :الجاهل إذا تكلم بكفر ولم يدر أنه كفر لا يكون كفراً ويعذر بالجهل، وفی الينابيع:قال أبوحنيفة ؓ:لا يكون الكفرکفراًحتی يعقد عليه القلب.(الفتاوی التتارخانية، كتاب أحكام المرتدين، الفصل إجراء كلمة الكفر،ج:7، ص:282)