واضح رہے کہ کسی کام کے لئے جس طرح بغیر اجرت کے وکیل بنانا جائز ہے اسی طرح اجرت پر وکیل بنانا بھی جائز ہے، اور وکیل کے لئے اجرت لینا بھی جائز ہے، بشرطیکہ اجرت پہلے سے متعین ہو۔

لہذا صورتِ مسئولہ میں جب عمر زید کا پلاٹ کسی اورکو فروخت کرتا ہے، اور عقد خود انجام دیتا ہے تو اس کی حیثیت وکیل کی ہے اور اس وقت چونکہ عمر کی اُجرت (کمیشن) متعین نہیں، بلکہ مجہول ہے، کیونکہ اضافی رقم کا کوئی علم نہیں ہے کہ وہ کتنی ہوگی۔ اس لیے پلاٹ جتنی رقم میں بک جائے وہ ساری رقم زید کا حق ہے جبکہ عمر کے لئے اپنے عمل کے عوض اجرت مثل ہوگی، یعنی مارکیٹ میں عام طور پر کوئی وکیل اس عمل پر جتنی اجرت لیتا ہے اتنی اجرت اس کو دی جائے گی۔ 2: اوراگر زید، عمر کو اپنے پلاٹ فروخت کرنے کے لیے کمیشن ایجنٹ مقرر کر لیتا ہے اور اُس کا کمیشن بھی متعین کر دیتا ہے مثلاً بیس ہزار روپے، تو پھر زید اور عمر کا معاملہ جائز ہوگا اور اس صورت میں عمر جو کمیشن وصول کرے گا وہ اُس کے لیے حلال ہو گا۔

إذا شرطت الأجرة في الوكالة وأوفاها الوكيل استحق الأجرة، وإن لم تشترط ولم يكن الوكيل ممن يخدم بالأجرة كان متبرعا. فليس له أن يطالب بالأجرة يستحق في الإجارة الصحيحة الأجرة المسمى. وفي الفاسدة أجر المثل. (درر الحكام فی شرح مجلة الأحكام، الکتاب الحادی عشر الوکالة، الباب الثالث، الفصل االاول، المادة:1467، ج:3، ص:573)