واضح رہے کہ اپنے اوپر کسی غیر لازم کام کو لازم کرنے کا نام نذر ہے۔ نذر ماننے کے بعد اس کا پورا کرنا ضروری ہوتا ہے  ۔تاہم اگر کوئی  شخص   کسی کام کے  کرنے پر  روزے رکھنے کی  نذر معلق کرے اور اس کام کے ہونے کے بعد اس کو پورا  کرنے سے عاجز ہو جائے تو ایسی صورت میں  ہر روزہ کے بدلے فدیہ لازم ہوتا ہے۔

صورت مسئولہ میں عورت کایہ کہنا نذر ہے کہ '' اگر میرے بچے پیدا ہو جائے تو میں ہر سال محرم الحرام میں 5 روزے رکھوں گی''لہذا اگر اس عورت کی بچی واقعی پیدا ہوئی ہو تو نذر پوری کرنے کے لیے اس پر ہر سال محرم الحرام کے پانچ  روزے رکھنا لازم ہوں گے، اب اگر واقعی شوگر یا دیگر بیماریوں کی وجہ سے اس کے لیے نذر کے روزے رکھنا سخت مضر یا ناقابلِ برداشت ہو، اور دیندار ماہر ڈاکٹر کی رائے کے مطابق آئندہ بھی روزہ رکھنے کی امید نہ ہو، تو ایسی صورت میں وہ ہر فوت شدہ نذری روزے کے بدلے ایک صدقۂ فطر کے برابر فدیہ ادا کرے گی،البتہ اگر بیماری عارضی ہو اور بعد میں روزے رکھنے کی طاقت حاصل ہونے کی امید ہو، تو فدیہ کافی نہیں ہوگا، بلکہ صحت یاب ہونے کے بعد ان نذری روزوں کی قضا کرنا لازم ہوگی۔

إذا قال إن فعلت كذا فعلي حجة أو صوم سنة أو صدقة ما أملكه أجزأه من ذلك كفارة يمين …بخلاف ما إذا كان شرطا يريد كونه كقوله إن شفى الله مريضي لانعدام معنى اليمين فيه وهو المنع وهذا التفصيل هو الصحيح.(الهداية في شرح بداية المبتدي، كتاب الأيمان، ج:2، ص:321)

ولو أخر القضاء حتى صار شيخا فانيا أو كان النذر بصيام الأبد فعجز لذلك أو باشتغاله بالمعيشة لكون صناعته شاقة فله أن يفطر ويطعم لكل يوم مسكينا على ما تقدم، وإن لم يقدر على ذلك لعسرته يستغفر الله إنه هو الغفور الرحيم.( الفتاوى الهندية، كتاب الصوم، ج:1، ص:209)