واضح رہے کہ مدرسے کا پیسہ یا اس کی اشیاء مہتمم کے پاس بطورِ امانت ہوتی ہیں، جسے وہ صرف مدرسے کی ضروریات اور اس کے مصالح میں استعمال کرنے کا پابند ہوتا ہے۔  

صورتِ مسئولہ کے مطابق، اگر کسی مدرس کے لیے مدرسے کی بجلی (موبائل، لیپ ٹاپ، پنکھے وغیرہ کے استعمال) کے حوالے سے مہتمم یا شوریٰ نے صراحتاً یا عرفاً اجازت دی ہو، یا اساتذہ کے لیے یہ سہولیات بطورِ مراعات مقرر ہوں، تو پھر اس کا استعمال جائز ہوگا۔ البتہ اگر صراحتاً یا عرفاً اجازت نہ دی گئی ہو، تو پھر مہتمم سے اجازت لینا ضروری ہے۔ بصورتِ دیگر، کسی مدرس کے لیے ان چیزوں کا ذاتی طور پر  استعمال کرنا درست نہیں۔  کھانا کھانے کا بھی یہی حکم ہے۔

متولى المسجد ليس له أن يحمل سراج المسجد إلى بيته وله أن يحمله من البيت إلى المسجد.(الفتاوی الھندیة،کتاب الوقف،ج:2ص:462)

 شرط الواقف كنص الشارع: أي في المفهوم والدلالة. (الدر المختار شرح تنوير الأبصار وجامع البحار، ص: 379)

 على أنهم صرحوا بأن مراعاة غرض الواقفين واجبة، وصرح الأصوليون بأن العرف يصلح مخصصا۔  (رد المحتار على الدر المختار ، 4/ 445)