واضح رہے کہ شریعت  نے مالی اور انتظامی معاملات میں امانت داری اور مصالحِ شرعیہ کی رعایت کو نہایت اہمیت دی ہے۔ مدارس کے اخراجات عموماً عطیات، صدقات اور  زکوٰۃ سے پورے کیے جاتے ہیں، اس لیے ان اموال کو صرف انہی مقاصد میں خرچ کرنا ضروری ہے جو براہ راست مدرسہ کے مفاد  میں ہو۔ چنانچہ اگر مدرسے میں کوئی مہمان آئے، یا مدرسہ کسی تنظیم سے وابستہ ہو اور اس تنظیم کا اجلاس مدرسے میں منعقد ہو، اور اس مہمان یا اس تنظیم سے مدرسے کو کسی نوعیت کا علمی  یا انتظامی فائدہ حاصل ہوتا ہو، تو ایسی صورت میں مدرسے کے فنڈ سے مہمان کی ضیافت یا اجلاس کے شرکاء کے لیے کھانے کا انتظام کرنے کی گنجائش ہے۔البتہ اگر وہ مہمان یا اجلاس براہِ راست یا بالواسطہ مدرسے کے مفاد سے متعلق نہ ہو، تو ایسی صورت میں مدرسے کے فنڈ سے مہمانوں کی ضیافت یا اجلاس کے شرکاء کے لیے کھانے کا انتظام کرنا شرعاً جائز نہیں ہوگا۔

وأما حكمها فوجوب الحفظ على المودع وصيرورة المال أمانة في يده ووجوب أدائه عند طلب مالكه، كذا في الشمني. الوديعة لا تودع ولا تعار ولا تؤاجر ولا ترهن، وإن فعل شيئا منها ضمن، كذا في البحر الرائق.(الفتاوی الهندية، كتاب الوديعة، ج:4، ص:338)