واضح رہےکہ ایک ملک کی کرنسی کودوسرے  ملک کی کرنسی کے عوض کمی بیشی کے ساتھ فروخت کرنا جائز ہے،بشرطیکہ ایک کرنسی پرمجلس عقد میں پوری طرح قبضہ پایا جائے،چنانچہ اگرکسی ایک طرف سے بھی قبضہ نہ ہوتومعاملہ ناجائز ہوگا۔

صورتِ مسئولہ میں اگر یوآن خریدنےوالامجلس عقدمیں ہی خود یا وکیل کے ذریعے یوآن قبض کر لیتا ہو جب کہ اس کےعوض روپے کی ادائیگی کے لیے ایک تاریخ متعین کرتے ہوں تو یہ معاملہ جائز ہوگا۔ نیز ادھار کی وجہ سے یوآن کی قیمت مارکیٹ ریٹ سے زیادہ طے کرنے کی بھی گنجائش ہے۔

عن ابن عمر رضى الله عنهما عن النبي صلى الله عليه وسلم انه نهى عن بيع الكالى بالكالى هو النسيئة بالنسيئة.(المستدرك على الصحيحين للامام الحافظ أبى عبد الله الحاكم النيسابوري، كتاب البيوع،رقم الحديث:2343، ج:2، ص:65)

ولو اشترى فلوسا أو طعاما بدراهم حتى لم يكن العقد صرفا وتفرقا بعد قبض أحد البدلين حقيقة يجوز.(الفتاوى الهندية، كتاب البيوع، الباب التاسع في ما يجوز بيعه وما لايجوز، الفصل الأول في بيع الدين وبيع الأثمان، ج:3، ص:104)