شریعت نے بلا اجازت کسی کے گھر میں جھانکنے،اس کے عیوب تلاش کرنے، خفیہ معلومات حاصل کرنے یا اس کی ذاتی زندگی میں مداخلت کرنے سےسختی کے ساتھ منع کیا ہے۔احادیث مبارکہ میں یہاں تک فرمایاگیا ہےکہ اگر کوئی شخص کسی کے گھر میں بغیر اجازت جھانکے اور گھر والا اس کی آنکھ کو نقصان پہنچادے تو اس پرکوئی گناہ نہیں۔

صورت مسئولہ کےمطابق مدرسہ کے اساتذہ کے کمروں کے اندر ایسا CCTV کیمرہ نصب کرنا جو ویڈیو کے ساتھ آواز بھی ریکارڈ کرے، ان کی ذاتی زندگی میں دخل اندازی کےمترادف ہے،کیونکہ یہ ان کی نجی زندگی، خلوت اور ذاتی گفتگو میں بلاضرورت مداخلت ہے،جوشریعت کےمزاج کےخلاف ہے،لہذااس سےاحترازکرناچاہیے۔

عن أبي هريرة : أن رسول الله صلى الله عليه وسلم قال:لو أن رجلا اطلع عليك بغير إذن فخذفته بحصاة ففقأت عينه، ما كان عليك من جناح .(صحيح مسلم،كتاب الأدب، باب تحريم النظر في بيت غيره، رقم الحديث:2158،ج:3،ص:1699)