بے نظیر انکم سپورٹ پروگرام (BISP) پاکستان میں ایک وفاقی فلاحی پروگرام ہے۔ جس کے تحت مستحق افراد کو نقد رقم فراہم کی جاتی ہے۔ ہماری معلومات کے مطابق اس پروگرام کی اہلیت کے لیے مخصوص شرائط ہیں،  اور اس کا مستحق صرف اس شخص کو قرار دیا جاتا ہے جس میں متعلقہ شرائط پائی جائیں۔

لہذا اگر کوئی شخص بے نظیر انکم سپورٹ کی شرائط کے مطابق رقم لینے کا مستحق اور اہل ہو، تو اس کے لیے اس رقم کا لینا جائز ہے، تاہم اگر کسی میں اہلیت موجود نہ ہو، تو اس کے لیے لینا جائز نہیں۔

عن أبي حميد الساعدي، أن رسول الله صلى الله عليه وسلم قال: "لا يحل لامرئ أن يأخذ مال أخيه بغير حقه" وذلك لما حرم الله مال المسلم على المسلم. (مسند أحمد بن حنبل، ج: 5، ص: 425، رقم: 24003)

ومن له حظ في بيت المال ظفر بما هو وجه لبيت المال، فله أن يأخذه ديانة، وللإمام الخيار في المنع والإعطاء والحكم، كذا في القنية.  (الفتاوى الهندية، ج: 1، ص: 252)