واضح رہےکہ اگر قرآن کی تلاوت میں اس طرح کی غلطی ہوجائے کہ معنی میں تغیر فاحش ہوجائے، یعنی ایسا معنی پیدا ہوجائے،جس کا اعتقاد کفرہواورغلط پڑھی گئی آیت اورصحیح الفاظ کے درمیان وقفِ تام بھی نہ ہو، نیزنمازمیں اس غلطی کی اصلاح بھی نہ کی جائےتونماز فاسد ہوجاتی ہے۔

صورتِ مسئولہ میں جب آیتِ کریمہ ﴿وَمَا يَشْعُرُونَ﴾ کی جگہ ﴿وَهُمْ يَشْعُرُونَ﴾ پڑھاگيا،تواس سے آیت کے معنی میں تغیرِ فاحش واقع ہوگیا،کیونکہ اس قراءت سے آیتِ کریمہ کا مفہوم اپنی ضد میں تبدیل ہو گیا، یعنی نفی، اثبات میں بدل گئی، جو تغیرِ فاحش ہے۔اوراس کےبعد جب نمازہی کےاندراس کی اصلاح بھی نہیں کی، توامام اورمقتدیوں کی نماز فاسد ہوگئی، لہذاان سب پراس نماز کا اعادہ لازم ہے،اورمقتدیوں کواعادۂ نمازکی اطلاع پہنچانا بھی ضروری ہے تاکہ وہ اپنی فرض نماز دوبارہ ادا کرسکیں۔

وإن غير المعنى تفسد صلاته عند عامة المشايخ نحو أن يقرأ "فما لهم يؤمنون" في "لا يؤمنون" بترك "لا" هكذا في المحيط وفي العتابية هو الأصح. (الفتاوی الهندية، کتاب الصلاة، الفصل الخامس: في زلة القاری، ج:1، ص:137)

وإن غير المعنى تغييرا فاحشا بأن قرأ "وعصى آدم ربه" بنصب الميم ورفع الرب وما أشبه ذلك مما لو تعمد به يكفر. إذا قرأ خطأ فسدت صلاته.(الفتاوی الهندية، کتاب الصلاة، الفصل الخامس: في زلة القاری، ج:1، ص:139)