سوال

دار الافتاء کی خدمت میں مودبانہ عرض ہے کہ مہنگائی کے اس موجودہ لہر اور دور میں علماء، قراء اورمدرسین، عالمات و قاریات اور بیواؤں مسکینوں کو درپیش معاشی مسائل کے پیش نظر ایک ایسا منظم اور پائیدار نظام قائم کرنے کی ضرورت محسوس کی جارہی ہے جو اسلامی اصولِ تکافل (االکفالۃ)، باہمی تعاون، تبرع اور خیر خواہی پر مبنی ہو، اور جس کے ذریے اہل علم اور ناداروں کی عزتِ نفس کو مجروح کیے بغیر ان کی بنیادی اور وقتی ضروریات پوری کی جا سکیں۔

اسی مقصد کے تحت ایک ترتیب زیرِ غور ہے، جس کے مطابق اہل علم خود آپس میں ایک دوسرے کے کفیل بنیں گے اور دلی رضامندی سے ماہانہ یا وقتی بنیادوں پر ایک متعین یا غیر متعین رقم تبرعا جمع کروائیں گے۔ یہ رقم کسی فرد واحد کی ملکیت میں نہیں رہے گی بلکہ شرع اللہ تعالیٰ کے نام پر وقف کی جائے گی، جس کا اصل سرمایہ محفوظ رکھا جائے گا اور اسے صرف حلال وجائز طریقوں سے بڑھایا جائے گا۔

اس ترتیب کے تحت ایک وقف پول قائم کیا جائے گا، جس میں جمع شدہ رقوم کو شرعی اصولوں کے مطابق جائز کاروبار یا سرمایہ کاری میں لگایا جائے گا، تاکہ اس سے حاصل ہونے والا منافع علماء و عالمات اور بے سہاروں کی مختلف رفاہی ضروریات مثلاً: عمره، علاج، ماہانہ راشن، قرض حسنہ، رہائش، سواری اور ناگہانی آفات میں امداد جیسے امور پر خرچ کیا جا سکے۔ ہر فلاحی مد کے لیے الگ پالیسی ترتیب دی جائے گی تاکہ وسائل کی تقسیم منظم اور شفاف انداز میں ہو۔

چونکہ وقف کے منافع سے بیک وقت تمام شرکاء کو فائدہ پہنچانا ممکن نہیں ہو تا، اس لیے مستحقین کے انتخاب کے لیے قرعہ اندازی کو بطور ایک منصفانہ اور غیر جانب دار طریقہ اختیار کرنے کی تجویز ہے، جو محض ترجیح اور نظم کے لیے ہوگی، نہ کہ حقِ ملکیت یا لازمی استحاق کی بنیاد۔ اس نظام میں شامل ہر شریک کا مقصد نفعِ ذاتی نہیں بلکہ اجتماعی فلاح اور اہل علم اور ناداروں کی کفالت ہوگا، اور کسی بھی شریک پر مستقبل میں رقم کی لازمی ادائیگی یا واپسی کی شرعی پابندی عائد نہیں کی جائے گی۔

اسی ترتیب کے شرعی پہلوؤں، حدود و قیود اور ممکنہ قباحتوں کی وضاحت کے لیے درج ذیل سوالات دار الافتاء کی خدمت میں پیش کیے جارہے ہیں:

1: کیا علماء، قراء، مدرسین اور بیوہ مسکینوں کے مابین باہمی تعاون اور کفالت کے لیے تکافل (الکفالہ) کی بنیاد پر ایک ایسا یونین قائم کرنا شرعاً جائز ہے، جس میں شرکاء اپنی رضامندی سے رقم تبرعاً ادا کریں اور اسے وقف پول کی صورت دے دی جائے؟

2:کیا اس وقت پول کی اصل رقم کو محفوظ رکھتے ہوئے اسے حلال و جائز کاروبار یا سرمایہ کاری میں لگا نا شرعاً درست ہے، اور کیا اس سے حاصل ہونے والا منافع وقف کے مقاصد کے لیے استعمال کیا جا سکتا ہے؟

3 :یا وقت پول کے منافع کو علماء و قراء اور ناداروں کی مختلف رفاہی ضروریات مثلاً عمره، علاج، ماہانہ راشن، قرض حسنہ، رہائش یا سواری وغیرہ پر خرچ کرنا شرعاً جائز ہے؟

4 :چونکہ وقت کے منافع سے تمام شرکاء کو بیک وقت فائدہ پہنچانا ممکن نہیں، اس لیے کیا مستحقین کے انتخاب کے لیے قرعہ اندازی کو بطور ایک منصفانہ طریقہ اختیار کرنا شرعاً درست ہے، اور کیا قرعہ کے ذریعے ملنے والا تعاون محض تبرع شمار ہوگا؟

5:کیا اس وقف و تکافل نظام کے انتظام و انصرام، حساب کتاب اور دیگر ضروری اخراجات، نیز منتظمین کی خدمات کا معاوضہ وقت کے منافع میں سے ادا کیا جاسکتا ہے، اور اگر اس نظام میں کسی پہلو سے شرعی قباحت ہو تو اس کی جائز متبادل صورتیں کیا ہو سکتی ہیں؟

 

جواب

---

---