واضح رہے کہ الزامی جواب میں  مخالف فریق کے مسلمہ اصول کی روشنی میں اس کے قول کو رد کیا جاتا ہے چونکہ اس سے بنیادی مقصد مخالف کے اصولوں کی روشنی میں اس کے دعوی کو باطل کرنا ہوتا ہے اس وجہ سے یہ عمل جائز ہےجیسا کہ ابراہیم علیہ السلام نے مشرک قوم کےسامنے الزامی انداز میں استدلال کرکے کہا تھا کہ :﴿فَلَمَّا جَنَّ عَلَيۡهِ الَّيۡلُ رَاٰ كَوۡكَبًاۖ قَالَ هٰذَا رَبِّيۖ فَلَمَّآ اَفَلَ قَالَ لَآاُحِبُّ الۡاٰفِلِينَ فَلَمَّا رَاٰ الۡقَمَرَ بَازِغًا قَالَ هٰذَا رَبِّيۖ فَلَمَّآ اَفَلَ قَالَ لَئِن لَّمۡ يَهۡدِنِي رَبِّي لَأَكُونَنَّ مِنَ الۡقَوۡمِ الضَّآلِّينَ﴾ [الأنعام: 76-77] اسی طرح  اگر اس دوران  مخالف فریق کے سامنے بعض شخصیات کے متعلق ایسے  تنقیدی یا الزامی امور بیان کیے جائیں جو ان کے کتابوں میں مذکور ہوں  تو یہ عمل بھی درست ہےاور ایسے شخص پر "گستاخی " کا حکم لگانا درست نہیں بشرطیکہ  شروع میں یا فوراً بعد یہ وہ یہ وضاحت کرے کہ "یہ ہمارا عقیدہ نہیں، بلکہ تمہاری   کتابوں میں مذکور تمہارے نظریات ہیں"مقصد تنقیص و توہین نہ ہو بلکہ باطل نظریے کا ابطال ہو، الزام بھی شریعت کے حدود میں ہو۔ گالی، بہتان، اور بے ہودہ الفاظ سے اجتناب ہو۔ نیز یہ بھی واضح  رہے کہ مناظرے کے لیے ضروری ہے کہ علمی اعتبار سے اس کی اہلیت موجود ہو ورنہ فائدہ کی بجائے نقصان کا اندیشہ ہوگا۔

قال الله تعالى:﴿اُدۡعُ إِلَىٰ سَبِيلِ رَبِّكَ بِٱلۡحِكۡمَةِ وَالۡمَوۡعِظَةِ الۡحَسَنَةِۖ وَجٰدِلۡهُم بِالَّتِي هِيَ أَحۡسَنُۚ﴾ [النحل: 125]

وقال تعالى: ﴿وَلَا تَسُبُّوا الَّذِينَ يَدۡعُونَ مِن دُونِ اللَّهِ فَيَسُبُّوا اللَّهَ عَدۡوًا بِغَيۡرِ عِلۡمۗ﴾ [الأنعام: 108]