کسی ملک کا ویزہ اس ملک میں داخل ہونے اور وہاں متعین مدت تک ٹھہرنے کا حکومت کی طرف سے تحریری اجازت نامہ ہوتا ہے، جو حقوق مجردہ کی فہرست میں داخل ہے ،چونکہ ویزہ کے حصول کے لیے وقت اور مال خرچ کرنا پڑتا ہےاور اس کے حامل کو متعلقہ ملک میں داخلے اور وہاں رہنے کا حق حاصل ہوجاتا ہےاور عرف میں اس حق کی قیمت طے ہوتی ہے اس لیے اس کا عوض لینا جائز ہوگا۔ نیز جس بیع میں بیچنے والاخریدار کو  مبیع فی الحال دے،لیکن خریداراس چیز کی قیمت فی الحال ادانہ کرے،بلکہ وہ طے شدہ قسطوں میں اس کی قیمت اداکرے، تو اس طرح معاملہ  جائز ہے بشرطیکہ عقد کرتے وقت مدتِ ادائیگی اورقیمت متعین ہو،اورادائیگی میں تاخیر کی صورت میں کوئی جرمانہ لاگونہ  ہو۔

لہذا صورت مسئولہ میں اگر متعلقہ ملک نے ویزہ خود استعمال کرنے یا کسی پر فروخت کرنے کا اختیار دیا ہو، تو ویزہ خرید کر کسی اور پر نفع کے ساتھ  فروخت کرنے میں شرعاً کوئی حرج نہیں۔ نیز ویزہ کو نقداً  کم قیمت پر جبکہ ادھار زیادہ قیمت پر فروخت کرنا بھی شرعاً جائز ہے، بشرطیکہ عاقدین عقد کے وقت ہی قیمت اور ادائیگی کی مدت پر اتفاق کرلیں۔

والمالية تثبت بتمول الناس كافة أو بعضهم، والتقوم يثبت بها وبإباحة الانتفاع به شرعا.(ردالمحتار، کتاب البیوع، مطلب فی تعریف المال والملک والمتقوم، ج:7 ص:10)

وفي الأشباه لا يجوز الاعتياض عن الحقوق المجردة كحق الشفعة وعلى هذا لا يجوز الاعتياض عن الوظائف بالأوقاف، وفيها في آخر بحث تعارض العرف مع اللغة. المذهب عدم اعتبار العرف الخاص لكن أفتى كثير باعتباره وعليه فيفتى بجواز النزول عن الوظائف بمال.(الدرالمختار ، كتاب البيوع ، مطلب في النزول عن الوظائف ، ص:395)

الأجل في نفسه ليس بمال فلا يقابله شيء حقيقة إذا لم يشترط زيادة الثمن بمقابلته قصدا، ويزاد في الثمن لأجله إذا ذكر الأجل بمقابلة زيادة الثمن قصدا(البحرالرائق ، كتاب البيوع ،باب المرابحة والتولية ، ج:6 ص:16)

قال: "‌ويجوز ‌البيع ‌بثمن ‌حال ومؤجل إذا كان الأجل معلوما" لإطلاق قوله تعالى:﴿وَأَحَلَّ اللَّهُ الْبَيْعَ وَحَرَّمَ الرِّبَا﴾ [البقرة: 275]. (الهداية، كتاب البيوع، ج:3، ص :24)