واضح رہے کہ امام مسجد، کمیٹی یا انتظامیہ کا کسی شخص کے مال میں اس کی رضامندی کے بغیر تصرف کرنا یاکسی پر زبردستی کوئی  مالی ذمہ داری عائد کرنا  شرعی لحاظ سے درست نہیں ۔ نیز اسلام میں مسلمان کی عزت و آبرو کی حفاظت کو نہایت اہمیت حاصل ہے ، اس لیے  کسی جائز مقصد کے حصول کے لیے بھی ایسا طریقہ اختیار کرنا درست نہیں جس سے کسی مسلمان کی تذلیل، رسوائی یا دل آزاری لازم آئے۔

لہذا صورت مسئولہ میں محلے کی مسجد میں سولر سسٹم نصب کرنے کے لیے یہ اعلان کرنا کہ ''محلے کے ہر گھر میں جتنے شادی شدہ افراد ہوں، ہر شادی شدہ فرد پر دو ہزار روپے دینا لازم ہونگے'' شرعی لحاظ سے درست نہیں کیونکہ کسی مسلمان کا مال اس کی رضامندی کے بغیر لینا حلال نہیں۔اسی طرح دباؤں ڈالنے کے لیے مزید یہ اعلان کرنا کہ'' اگر کسی نے مقررہ تاریخ تک رقم جمع نہ کروائی تو جمعہ کے بیان یا خطبہ کے دوران اس شخص کا نام لے کر بتایا جائے گا کہ اس نے رقم جمع نہیں کروائی''۔یہ بھی  شرعاً ناجائز ہے، کیونکہ اس میں مسلمان کو بلاوجہ ایذا پہنچانا ہے، لہذا کمیٹی انتظامیہ کو چاہیے کہ چندہ دینے پر آمادہ کرنے کے لیےلوگوں کو عمومی  ترغیب دیں، حسنِ اخلاق سے مسجد میں خرچ کے فضائل بتائیں لیکن کسی پر دباؤں نہ ڈالیں اور نہ ہی کسی کی آبروریزی کریں  ۔

قال الله تعالى: ﴿يَٰٓأَيُّهَا ٱلَّذِينَ ءَامَنُواْ لَا تَأۡكُلُوٓاْ أَمۡوَٰلَكُم بَيۡنَكُم بِٱلۡبَٰطِلِ إِلَّآ أَن تَكُونَ تِجَٰرَةً عَن تَرَاضٖ مِّنكُمۡۚ﴾ [النساء: 29]

عن أبي هريرة. قال:قال رسول الله صلى الله عليه وسلم لا تحاسدوا. ولا تناجشوا، ولا تباغضوا، ولا تدابروا، ولا يبع بعضكم على بيع بعض. وكونوا، عباد الله! إخوانا. المسلم أخو المسلم. لا يظلمه، ولا يخذله، ولا يحقره. التقوى ههنا" ويشير إلى صدره ثلاث مرات "بحسب امرئ من الشر أن يحقر أخاه المسلم. كل المسلم على المسلم حرام. دمه وماله وعرضه.( صحيح مسلم، كتاب البر و الصلة و الآداب، ج:4،ص:1986)

عَنْ أَبِي الدَّرْدَاءِ، عَنِ النَّبِيِّ صلى الله عليه وسلم، قَالَ:  مَنْ رَدَّ عَنْ عِرْضِ أَخِيهِ الْمُسْلِمِ، كَانَ حَقًّا عَلَى اللهِ عز وجل أَنْ يَرُدَّ عَنْهُ نَارَ جَهَنَّمَ يَوْمَ الْقِيَامَةِ.( مسند أحمد، من حديث أبي الدرداء،ج:45، ص:524)

ولا يجوز التصرف في ملك الغير بغير إذنه.( بدائع الصنائع في ترتيب الشرائع، كتاب النكاح، ج:2،ص:234)