واضح رہے کہ سرٹیفیکیٹ یا ڈپلومہ خرید کر نوکری حا صل کرنا جھوٹ اور دھوکہ ہے جو کہ گناہ کبیرہ ہے، تاہم اگر کوئی اس طرح دھوکہ سے ملازمت حاصل کرنے کے بعد اس نوکری کی اہلیت رکھتا ہو اور اپنے فرائض بخوبی انجام دیتا ہو تو چونکہ اجرت اس کی محنت اور وقت کے عوض ملتی ہے لہذا اس نوکری سے حاصل ہونے والی کمائی جائز ہوگی۔

لہذا صورت مسئولہ کے مطابق اگر کوئی شخص الیکٹریشن کا کام جانتا ہو اور وہ پیسوں سے ڈپلومہ خرید کر نوکری پر لگ جائے تو اس کے لیے اس نوکری سے حاصل ہونے والی کمائی جائز ہوگی۔ لیکن اس جھوٹ اور دھوکہ دہی کی وجہ سے گناہ گار ہوگا اس لیے اس سے توبہ کرے گا۔

قال رسول الله صلى الله عليه وسلم: ألا أحدثكم بأكبر الكبائر؟ قالوا: بلى يا رسول الله، قال: الإشراك بالله، وعقوق الوالدين، قال: وجلس وكان متكئا، فقال: وشهادة الزور، أو قول الزور.(سنن الترمذي، باب ما جاء في عقوق الوالدين، ج:4، ص:312)

ثم الأجرة تستحق بأحد معان ثلاثة إما بشرط التعجيل أو بالتعجيل أو باستيفاء المعقود عليه. (الفتاوى الهندية، كتاب الإجارة، ج:4، ص:413)