واضح رہے کہ کوئی بھی معاہدہ طے ہو جانے کے بعد  دونوں فریقوں پر اس کی شرائط کی پابندی ضروری ہوتی ہے، لہذا صورت مسئولہ  کے مطابق مدرس نے چونکہ ایک سال تدریس کرنے کا معاہدہ کیا ہے، اس لیے محض زیادہ تنخواہ یا بہتر ملازمت مل جانے کی وجہ سے مدت پوری ہونے سے پہلے یک طرفہ طور پر ملازمت چھوڑ کر کسی دوسرے ادارے میں چلے جانا شرعاً درست نہیں۔ ایسا عمل  وعدہ خلافی اور عہد شکنی کے زمرے میں شمار ہوگا۔ البتہ اگر مدرس اور مدرسہ کی انتظامیہ باہمی رضامندی سے معاہدہ ختم کرنے پر متفق ہو جائیں تو ایسی صورت میں معاہدہ ختم کرکے دوسری ملازمت اختیار کرنا جائز ہوگا۔

قال الله تعالى: ﴿وَأَوۡفُواْ بِٱلۡعَهۡدِۖ إِنَّ ٱلۡعَهۡدَ كَانَ مَسۡـُٔولٗا﴾ [الإسراء: 34]

عَنْ أَبِي هُرَيْرَةَ رضي الله عنه:أن رسول الله صلى الله عليه وسلم قَالَ: آيَةُ الْمُنَافِقِ ثَلَاثٌ: إِذَا حَدَّثَ كَذَبَ، وَإِذَا اؤْتُمِنَ خَانَ، وَإِذَا وعد أخلف.( صحيح البخاري، كتاب الشهادات، رقم الحديث:2536، ج:2، ص:952)