واضح رہے کہ جو شخص کسی کو کچھ رقم قرض دے اورواپسی پراس میں اضافے کامطالبہ کرے،تویہ"سود" کہلاتا ہے،اوراس کی حرمت قرآنِ کریم کی آیات اورمتعدد احادیثِ صحیحہ سے ثابت ہے۔

صورت مسئولہ میں كسی شخص کا دوسرے کے بینک اکاؤنٹ میں رقم جمع کرناقرض دینےکےحکم میں ہے،اس لیے80لاکھ روپےجمع کرکےواپس لیتے وقت اس پراضافی 4لاکھ روپے کی شرط لگانا سودہے،اس لیے یہ معاملہ شرعاًناجائز ہے۔

قال الله تعالى:﴿وَأَحَلَّ ٱللَّهُ ٱلۡبَيۡعَ وَحَرَّمَ ٱلرِّبَوٰاْۚ﴾ (البقرة: 275)

(قوله كل قرض جر نفعا حرام) أي إذا كان مشروطا كما علم مما نقله عن البحر.(رد المحتار على الدر المختار ،كتاب البيوع،ج:5، ص:166)