واضح رہے کہ شرکت میں شریک کی حیثیت امین کی ہوتی ہے، اس ليے ايك شريك دوسرے كے ليے اس بات كا ضامن نہیں بن سکتا، کہ اگر شرکت میں نقصان ہو گیا تو میں اس کو ادا کروں گا،تاہم تعدی اور تقصیر کی صورت میں ضامن بن سکتا ہے، اور اگر شرکت میں نقصان کا ضامن نہ بنے، بلکہ صرف مشترک مال کو مارکیٹ ریٹ پر  خریدنے کا وعدہ کرے، اور پھر مستقل عقد کے ساتھ اس کو خریدے، تو یہ جائز ہے۔

صورت مسئولہ کے مطابق ایک شریک کا دوسرے کے لیے نقصان کا ضامن بننا تو جائز نہیں، البتہ مشترک مال کو مارکیٹ ریٹ یا جس ریٹ پر اتفاق ہو اس پر  خریدنے کا وعدہ کرنا جائز ہے ۔

واشتراط الضمان على الأمين باطل، ألا ترى أن في المضاربة لا يجوز اشتراط شيء من الوضيعة على المضارب. (المبسوط للسرخسي، كتاب الشركة، ج:11، ص:157)

لأن رأس المال أمانة في يد الشريك والأمانة لا تضمن بالشرط كالوديعة. (تبيين الحقائق شرح كنز الدقائق، کتاب الشرکة، ج:4، ص:249)

يوضحه: أن مال الشركة وديعة في يد الشريك. (المحيط البرهاني، كتاب الشركة، ج:9، ص:154)