واضح رہے کہ  طبی نمائندگی کی ملازمت اس حد تک جائز ہے کہ آدمی ڈاکٹروں کے پاس جاکر انھیں کمپنی کی تیار کردہ ادویات سے متعارف کرائے اور دیانت داری کے ساتھ دواوٴں کی خصوصیات وفوائد بیان کرے، اس صورت میں دواساز کمپنیوں میں ملازمت کرنا جائز ہےاور اس صورت میں ٹارگٹ پورا ہونے پر جو بونس ملتا ہے وہ بھی جائز ہوگا لیکن اگر طبی نمائندہ دواوٴں کی غیر واقعی خصوصیات بیان کرتا ہے یاکمپنی کا ٹارگٹ پورا کرنے کے لیے ڈاکٹر کو تحفے تحائف دیتا ہے جس کے نتیجے میں ڈاکٹر مریضوں کے خیرخواہی کی بجائے ان کو غیر ضروری ادویات یا غیر معیاری ادویات لکھ کر دیتا ہو تو اس صورت میں یہ ملازمت کرنا جائز نہ ہوگی اور اس صورت میں   ٹارگٹ پورا کرکے کمیشن حاصل کرنا بھی جائز نہیں۔

وقوله تعالى: {ولا تعاونوا على الأثم والعدوان} نهي عن معاونة غيرنا على معاصي الله تعالى.( أحكام القرآن،سورۃ النساء، مطلب البيان من الله تعالى على وجهين،ج:2،ص:381)

عن عبد الله بن عمرو، قال: لعن رسول الله صلی الله عليه وسلم الرَّاشِيَ والمرتشي.( مسند الإمام أحمد، أول مسند عبد الله بن عمرو بن العاص رضي الله تعالى عنهما،ج:6،ح:6533،ص:100)

والإعانة على المعصية معصية.( المبسوط للسرخسي،باب جزاء الصيد،الذي يرخص للمحرم من صيد البحر،ج:4،ص:96)