واضح رہے کہ عام طور پر روایتی بینک قرض رقم دینے پرکچھ  کٹوتی کرنے کو پراسیسنگ فیس یاسروس چارجزکا نام دیتے ہیں، جو وہ قرض کی فراہمی کے وقت ہی کل رقم سے منہا کرلیتے ہیں۔ نیزیہ بھی واضح رہے کہ جے ایس بینک (JS Bank) یا کسی بھی روایتی بینک کی طرف سے ملنے والا "ایڈوانس سیلری لون" اوراس پرکٹوتی اگربینک کے حقیقی اخراجات سے زائد ہو یا قرض پرفیصد کے حساب سے ہو،تویہ سود کے حکم میں داخل ہوکرحرام ہوجاتا ہے۔ یعنی اگریہ فیس قرض کی رقم کے ساتھ فیصد کے حساب سے بڑھتی یا گھٹتی ہو، یا یہ بینک کے حقیقی اخراجات سے زیادہ ہو، تو یہ سود ہے۔

صورت مسئولہ کے مطابق جے ایس بینک (جو کہ ایک روایتی اورسود پر مبنی بینک ہے) کا یہ ایڈوانس سیلری لون اوراس پر لی  جانے والی یہ کٹوتی سود کے زمرے میں آتی ہے اس لئے یہ معاملہ شرعاً ناجائز اور حرام ہےکیونکہ عمومایہ قرض کے زیادہ ہونے کی صورت میں کٹوتی میں بھی زیادتی کرتا ہےجوکہ سود ہے۔

(قوله كل قرض جر نفعا حرام) أي إذا كان مشروطا كما علم مما نقله عن البحر، وعن الخلاصة وفي الذخيرة وإن لم يكن النفع مشروطا في القرض، فعلى قول الكرخي لا بأس به.( رد المحتار مع الدر المختار ،ج:5، ص:166)