واضح رہے کہ نماز پڑھنے سے انکار کرنا گناہ کا کام ہے، لیکن مطلقاً نماز پڑھنے سے انکار کرنے والا کافر نہیں ہو جاتا۔ البتہ اگر کوئی شخص نماز کے وجوب اور فرضیت کا انکار کر دے تو ایسی صورت میں کافر ہو جائے گا۔

صورتِ مسئولہ میں زید کا یوں انکار کرنا بلاشبہ گناہ ہے، لیکن اس سے وہ کافر نہیں ہوا۔ اسے سچے دل سے توبہ کرنی چاہیے۔ تاہم علی کو چاہیے کہ حکمت کے ساتھ، موقع و محل دیکھتے ہوئے نصیحت کرے۔ نیکی کے کام کی طرف متوجہ کرنے کے بعد اگر اندازہ ہو کہ سامنے والے کا ردِّ عمل مثبت نہیں ہوگا، تو حکمتاً اس وقت خاموش ہو جانا چاہیے، اور بعد میں مناسب موقع دیکھ کر سمجھا دینا چاہیے۔

وقول الرجل لا أصلي يحتمل أربعة أوجه:أحدها: لا أصلي لأني صليت، والثاني:لا أصلي بأمرك، فقد أمرني بها من هو خير منك، والثالث:لا أصلي فسقا مجانة، فهذه الثلاثة ليست بكفر، والرابع: لا أصلي إذ ليس يجب علي الصلاة، ولم أؤمر بها يكفر، ولو أطلق وقال:لا أصلي لا يكفر لاحتمال هذه الوجوه. (الفتاوى الهندية، الباب التاسع في أحكام المرتدين، ج:2، ص:268)